ఈ పుట అచ్చుదిద్దబడ్డది
కల్యాణకాండము
141
నంతయు నెఱిఁగింప నతఁడు గోపించి
చనుదెంచుచో లీల సౌధంబుమీఁదఁ
దనకూఁతుతోడ నాదట జూదమాడు870
వనజాతనేత్రుని వనమాలిపౌత్రు
ననిరుద్ధు విక్రమయనిరుఁద్రు గాంచి;
తన కెలంకుల నున్న దనుజులఁ జూచి
“చని యాదురాత్మునిఁ జంపి రం”డనిన
వారలు చనుదెంచి వనజాతనేత్రు
నీరసంబునఁ బట్టనెంతయు నలిగి
పరిఘంబుఁ ద్రిప్పి యప్పగతుల నెల్ల
ధరణిఁ గూల్చుటయు నుద్ధత బాణుఁడలిగి
అనిరుద్ధుని నాగపాశములచే బాణాసురుఁడు బంధించుట
యనిరుద్ధు నాగపాశావళిఁ గట్టి
పెనుపరి చెఱసాలఁ బెట్టంగఁ బనిచె.
అనిరుద్ధుఁ డనిరుద్ధుఁడై యున్న భంగిఁ
గని యుషాకన్యక కడుఁ జిన్నబోయి
యతి దుఖఃపరవశయై రేయుఁబగలు
నతనితోడిదె లోకమై యుండెనంత.
నారదునిచే ననిరుద్ధుని యునికిఁ దెలిసి శ్రీకృష్ణుఁడు సైన్యముతో శోణితపురిని చుట్టుముట్టుట
అక్కడ ననిరుద్ధు నాతోఁటలోన
నెక్కడ పోకయు నెఱుఁగంగలేక
బలభద్రమురహరిప్రద్యుమ్నముఖ్య
