ఈ పుట అచ్చుదిద్దబడ్డది
140
ద్విపదభాగవతము
గంది నెమ్మదిఁదమకంబగ్గలింపఁ
గదసి కేలును గేలుఁ గదియించుటయును;
అదరి మేల్కని లేచి యంగంబు వణఁకఁ
గుచభారమెడలంగఁ గౌనసియాడఁ
గుచకుంభములఁ జేల కొంగున నదిమి860
లక్ష్మీసుతుని రాజ్యలక్ష్మియో యనఁగ
పక్ష్మలలోచన ప్రభలుప్పతిలగ
శయ్యపై డిగి నిల్చి జలజాతనేత్రు
నయ్యాదవోత్తము నర్ధినీక్షించె.
ఇరువుర చూపులే యేపారఁ దనకు
శరములుగాఁ బంచశరుఁడేయఁ జొచ్చె!
ఆలోన ననిరుద్ధుఁ డాలోలనయనఁ
గేలుఁగేలునఁ బట్టి గిలిగింత వుచ్చి
చెక్కులు బుడుకుచు సిగ్గుఁ బోగొట్టి
గ్రక్కున నందంద కౌఁగిఁటఁ జేర్చి
మాటల మఱిగించి మక్కువఁ బెంచి
కూటంబుఁజవిజూపి కోర్కులు నింపి
యిది రాత్రి యిదిపగలని సంధ్య ప్రొద్దు
లిది వింత తావని యెఱుఁగంగ రాక
యకుటిల క్రీడల నఖిలభోగముల
నొకనాల్గు నెలలుండ నొక్కనాఁడెఱిఁగి
అంతఃపురవాసులు బాణాసురునకు ననిరుద్ధుని గుఱించి తెలియపర్చుట
యంతఃపురజనాళి యరిగి బాణునకు
