| గీ. |
అనెడు పతిజంకెనఁ గరంగదయ్యె నకట, మందరాక్రాంత మగుకైకమానసంబు
పూర్ణచంద్రోదయం బయ్యు భూరివీరు, దావరణ మొందుశశికాంతమనఁగనంత.
| 29
|
| మ. |
పతి యాదుర్మతికిం బరాఙ్ముఖత దోఁపం గొంతసే పూరకుం
డి తనుంబిల్వ సుమంతు నంప నటకు న్సీతేశుఁ డేతెంచి యా
నతుఁడై ముందట నిల్చి రా జపుడు దీనస్వాంతుఁడై వర్తిలం
గత మేమీ యని భీతినొందఁ బలి కెం గైకేయి నిర్లజ్జయై.
| 30
|
కైక రామునకుఁ దనవరములం జెప్పుట
| మ. |
తనయాసక్తియు సత్యసూక్తియు విరోధంబొందఁ జింతాంబుధిన్
మునుఁగం జొచ్చె నరేంద్రుఁ డీదొర ననిన్ మున్నొక్కచోఁ గాచి కై
కొనియుందు వరయుగ్మ మే నదియు నీకున్ మాండవీజానికిన్
వనచారావనిభారహేతు వన నైక్ష్వాకుం డనుం బ్రీతుఁడై.
| 31
|
| మ. |
భరతుం డేమి తలంకునో మహిభరింపన్ రాముఁ డుగ్రాటవిన్
జరియింపన్ మదిఁగొంకునో సగరవంశస్వామికిన్ దండ్రి కీ
సరణిం జింతిల నేటికిం దనప్రతిజ్ఞాపూర్తి మావంక దు
ష్కరమై తోఁపఁగ వాసవోపకృతియో గంగాసమానీతియో.
| 32
|
| చ. |
నను వని గాత్రమాత్రభరణంబునకున్ నియమించి యాచతు
ర్వననిధిమేదినీభరణరాజ్యరమాగరిమంబుఁ దమ్ముగు
ఱ్ఱనితల కెత్తినావు సుకరత్వము దీన గణింప నాపయిం
గనఁబడుఁ బక్షపాత మధికంబయి నీమది కంబుజేక్షణా.
| 33
|
| గీ. |
జనకుఁ డనుజాభిషేచననోత్సవశుభంబు, వీనులకు విందుగాఁ దానె యానతిచ్చి
మామకీనాంజలియుతప్రణామపూర్ణ, పాత్రమున కేల కాఁడమ్మ పాత్రమనఁగ.
| 34
|
| చ. |
కులిశనిపాతభీత మగుకొండవిధాన దవానలావళిం
దలఁకువనీవనస్పతివిధంబు దివస్పతిరాజధానికిన్
దొలఁగు యయాతితండ్రిగతి దోఁపఁగ భూపతి నేలవ్రాల ని
హ్వలపడఁబోక కైకగురునానతిఁ జేకొనుమయ్య రాఘవా.
| 35
|
| క. |
అన దండమిడి తదాజ్ఞన్, ననదండగతిన్ శిరంబునం దాల్చి ధరా
వనమునకై రఘువీరుఁడు, వనమున చనుకడంక వర్తిలె నంతన్.
| 36
|
| క. |
మనుజేశునగరు వెలువడి, జననిగృహంబునకు నరిగి సవినయనతుఁడై
పినతల్లిచేఁతఁ దెలిపిన, విని యాకౌసల్య శోకవిహ్వలమతి యై.
| 37
|
