పుట:Chandrika-Parinayamu.pdf/228

చక్రవిప్రవరతేజం బెల్ల నవలాల
సారూఢిఁ గరశక్తి నపహరించి,
పరమలింగాప్తిఁ జూపట్టు తా నవలాల
సద్దీప్తిఁ బాషండసరణిఁ దాల్చి,

తే. మలినతరకీర్తిజాతంబులిల నలర్చి
ప్రోది గను నిన్నుఁ దిలకింప రోహితాంక
పతి కడుపు మండకుండునే బాడబాగ్ని
రూఢ కీలాపరంపర రోహితాంక! 111

మ. అలరం గామవిమోహనైకవిహృతుల్ ప్రాంచన్నలశ్రీగతుల్
దలఁగన్ రాజిలునీమహాభ్యుదయ మాత్మం జూడఁగా విస్ఫుర
త్కలికాలాభ మనంగఁ జెందునె సుదృగ్వ్రాతంబు చాల న్నవో
త్కలికాలాభ మనంగశత్రునిటలోగ్రజ్వాలితుల్యద్యుతీ! 112

సీ. కల సూపి తొలుదొల్త గాంచితో మేషవా
హలసమానార్చిశ్చయస్ఫురణము,
వెనువెంటఁ జనుచుఁ జయ్యన లాగితో సదో
హలసమాన్యహయోత్కటాంశుమహిమ,
జడల నడుమనుండి పడసితో కందర్ప
హలసమాతతనిటలాగ్నిశక్తి,
ననుజుండ ననుచుఁ బాలందితో ఘనహలా
హలసమాభీలకీలాలిరూఢి,

తే. నకట చల్లనిరాజ వీవట్టినీకుఁ
బొసఁగె నేదారి నీసర్వభువనజాత
సుఖదతేజంబు సన నిట్లు శుంభదౌర్వ
పుంజనిభధామ మవధూతభువనజాత! 113