పుట:Chandrika-Parinayamu.pdf/229

వికీసోర్స్ నుండి
ఈ పుట అచ్చుదిద్దబడ్డది

క. ఈలీలఁ జంద్రు నని, ల
క్ష్మీలలనాతనయుఁ బలికెఁ గినుక మధుపరా
జాలక శరభవజాలక
జాలకశరభవదురంతసంతాపికయై. 114

చ. కలుగునె నీకు సద్యశ మఖండరుషాగతి నిస్వనద్గుణో
జ్జ్వలవిశిఖాసముక్తశితసాయకధారఁ గృపీటజాంబకా
వలిఁ గర మేఁచఁ ద్వద్బలనివారకసారకృపీటజాంబకా
తులితభుజాసహోమహిమఁ దూల్చినఁ గాక కృపీటజాంబకా! 115

సీ. తరుణతురంగాయితశుకాండజాతము
ల్పంజరకారలోఁ బడక యున్న,
సతతనారాచితసితకాండజాతముల్
కడు నిశాతత్వంబుఁ గాంచి యున్న,
మది ఘనభయరేఖ మధుకాండజాత ము
ల్లలితపత్రిబలంబు గలఁగ కున్నఁ,
జక్కఁ దే రైనపృషత్కాండజాతముల్
పొదలుచాంచలి మూల నొదుఁగ కున్న,

తే. సారకాంతాలసాయకాసన మఖండ
తాగతి భజించి యున్న నీధాత్రి నవమ
సారకాంతాలకాపాళి ఘోరతావ
కీనధాటికి బ్రతుకునే సూనబాణ! 116

క. మదనానాపికకలగతి
మదనాహతనాదరేఖ మసల నిటులు మ
మ్మదనా యేఁచఁగ నీయెడ
మదనావిలవినుతి నలరి మన్పవె మదనా! 117