1. ఆత్మ దిగిరాకముందు ఉన్న పరిస్థితి = అ,చ,1
క్రీస్తు ఉత్థానమయ్యాక గూడ శిష్యులు అతడు ఎందుకు చనిపోయాడో, ఎందుకు ఉత్థానమయ్యాడో అర్థం జేసికోలేదు. అతడు యూదులకు రాజకీయ స్వాతంత్ర్యాన్ని తెచ్చిపెడతాడనే వాళ్ళ భావం. కనుకనే ప్రభువు మోక్షారోహణానికి ముందుకూడ వాళ్ళ నీవు యిస్రాయేలు రాజ్యాన్ని ఉద్ధరించవా అని అడిగారు - అ, చ.1,6 క్రీస్తు ఉత్థానానంతరం వాళ్ళ యెరూషలేములో ఓ యింటి విూదిగదిలో కూడి ప్రార్ధనం చేసికొంటూండేవాళ్లు. దేవదూత చెప్పినట్లుగా ఉత్తానక్రీస్తు స్వర్గంనుండి మల్లా తిరిగి వస్తాడనుకొంటూండేవాళ్లు - 1,11. అప్పటికింకా రొట్టె విరవడం (దివ్యసత్రసాదం) అనేది లేదు. భవిష్యత్తులో ఏమి జరుగుతుందో కూడ వాళ్లకు స్పష్టంగా తెలియదు.
2. ఆత్మ దిగివచ్చాక పరిస్థితి - 1. S.2-5
ఆత్మ దిగివచ్చాక శిష్యుల్లో పెద్దమార్పు వచ్చింది. అంతకు ముందు వాళ్లు క్రీస్తు మళ్ళా తిరిగిరావడంతో మెస్సీయాకాలం ప్రారంభమౌతుంది అనుకొన్నారు. కాని ఇప్పడాకాలం ఆత్మదిగిరావడంతో ప్రారంభమైందని గ్రహించారు. వాళ్ళ క్రీస్తు తిరిగివచ్చి యిస్రాయేలు రాజ్యాన్ని ఉద్ధరిస్తాడు అనుకొంటూంటే ఇప్పడు తలవని తలంపుగా ఆత్మ దిగివచ్చింది. పూర్వవేదంలో "శేషజనం" అనే ప్రజలు వున్నారు. వీళ్ల మెస్సీయా కోసం ఎదురు చూస్తుండేవాళ్లు, ఇప్పడు ప్రేషితులే ఈ శేషజనమయ్యారు. యోవేలు ప్రవక్త చెప్పినట్లుగా ఆత్మ వీరిమిూదికి దిగివచ్చి వీరిని తన శక్తితో నింపింది - యోవేలు 2,2832. అచ. 2,17-18.
ఆత్మ దిగిరాగానే శిష్యులకు క్రీస్తుని అన్యులకు బోధించాలనే తపన పుట్టింది. ఈబోధ మొదట యెరూషలేములోనే యిప్రాయేలీయులకే జేయాలి - 2,41. యూదులుకాని అన్యజాతివారికి గూడ క్రీస్తుని బోధించాలనే తలంపు శిష్యులకు అప్పటికింకా లేదు. యూదులు మాత్రమే క్రీస్తు శిష్యులు ఔతారని వాళ్ళ ఆలోచన.
రోజురోజుకి శిష్యుల &ဝ% పెరుగుతూ వచ్చింది. యెరూషలేములోని ఆదిమ క్రైస్తవ సమాజం ఆదర్శ వంతమైన జీవితం గడిపింది. ఆ సమాజంలో మూడంశాలు గమనించదగ్గవి. 1. శిష్యులు క్రీస్తుని గూర్చి బోధిస్తూ అతని పేరుమిూదుగా అద్భుతాలు చేసేవాళ్లు, దీనివల్ల యూదులు రోజురోజుకీ అధికాధికంగా క్రైస్తవ మతంలోచేరుతూ వచ్చారు 2. ఆదిమ సమాజంలోని సభ్యులు ఉమ్మడి జీవితం గడిపారు. 3. భక్తులంతా కలసి రొట్టెవిరచి క్రీస్తుని ఆరాధించారు. ఈ యారాధనం భక్తుల యిండ్లల్లోను యెరూషలేము " దేవాలయంలోను కూడ జరిగేది - 2,42-47.
