21. ఆత్మ మన నాయకుడు
ఆత్మ నాయకుడై తొలినాటి సమాజాన్ని నడిపించింది. పౌలు, బర్నబా, ఫిలిప్ప మొదలైన వాళ్లంతా ఆత్మ చూపించిన మార్గంలోనే నడిచిపోయారన్నాం. పవిత్రాత్మ విశ్వాసులను నడిపించుకొని పోవడం మాత్రమే గాదు. వాళ్లకు అద్భుతమైన శక్తిని గూడ అనుగ్రహిస్తుంది - రోమా 15, 13 వాళ్లను నిత్యం ఆదుకుంటూ వుంటుంది. ఓ తల్లిలా విశ్వాసులనే బిడ్డలను ఆదరిస్తూ వుంటుంది - ఫిలిప్పి 2, 1-2 కొందరు విశ్వాసులకు వేరేవాళ్లను కుస్తరించే వరం అనుగ్రహిస్తుంది. కొరింతులో ఈలాంటి వాళ్ళు ఉండేవాళు -1 కొ 14,3.
క్రైస్తవ ప్రజలు ఈ ఆత్మకు వశులౌతూ వుండాలి. ఈ యాత్మచే నడిపింపబడుతూ వండాలి. ఈ యాత్మ అందించే ఆదుకోలును కుస్తరింపును పొందుతూండాలి. దేవుని బిడ్డలు దేవుని ఆత్మచే నడిపింపబడతారు అంటాడు - పౌలు - రోమ 8,14,
22. స్వాతంత్ర్య దాత - రోమ 8, 1-2
పూర్వవేద ప్రజలు పాపానికి, పిశాచానికి, మరణానికి, ధర్మశాస్తానికి దాసులయ్యారు. వీటన్నిటి నుండి మనకు స్వాతంత్ర్యాన్ని అనుగ్రహిస్తుంది ఆత్మ. ఎవరి హృదయాల్లో దేవుని ఆత్మ నెలకొని వుంటుందో వాళ్ళు స్వాతంత్ర్యాన్ని అనుభవిస్తారు - 2కొ 3, 17. ఈ స్వాతంత్ర్యం గూడ మరేమో కాదు, ఆత్మ అనుగ్రహించే ప్రేమశక్తే. ఈ శక్తిద్వారా మన యిష్టం వచ్చినట్లు విచ్చలవిడిగా సంచరించం, మరి దేవుణ్ణి తోడి ప్రజలను ప్రేమిస్తాం - గల 5,13.
పరిశుద్ధాత్మ పాపాన్ని సహింపదు. పాపం చేసినపుడెల్ల స్వాతంత్ర్యాన్ని కోల్పోయి పిశాచానికి బానిసలమౌతూంటాం. కనుక మనలను పాపంలో పడిపోకుండ కాపాడుతూండాలని ఈ యాత్మను అడుక్కుందాం.
23. ప్రార్ధనం నేర్పుతుంది - రోమ 8, 26-27
ఆత్మ మన అంతరాత్మలో నెలకొనివుండి మనలో ప్రార్ధిస్తుంది. మనచే ప్రార్ధన చేయిస్తుంది. ఆత్మ సహాయంలేందే, ఏలా ప్రార్థించాలో దేనికొరకు ప్రార్ధించాలో మనకేమీ బోధపడదు. పునీతులకు ప్రార్థన నేర్పింది ఈ యాత్మ. మహాభక్తులు ప్రార్థన ద్వారా భగవంతునితో ఐక్యమయ్యేలా చేసింది ఈ యాత్మ కావున మనం ఈ యాత్మతో కలిసి ఈ యాత్మయందు ప్రార్థన చేస్తువుండాలి - ఎఫే 6, 18. 154
