పుట:2015.386124.adhiqs-eipa-shatakamulu.pdf/178

⁠

కలిమిగల లోభికన్నను విలసితమగు పేదమేలు వితరణియైనన్‌ జెలమైన మేలుకాదా కులనిధియంభోధికన్న గువ్వలచెన్నా!

⁠ 48

⁠

విను మన్నీలశిఫార్సునఁ దనునమ్మినవానిపనులు ధ్వంసించువకీ ల్తనమున్నవాఁడు తిరిపెముఁ గొనునాతఁడు చల్లవాఁడు గువ్వలచెన్నా!

⁠ 49

⁠

సజ్జనులు సేయునుపకృతి సజ్జను లెఱుఁగుదురుగాక సజ్జనదూష్యుల్‌ మజ్జనమునైన నెఱుఁగరు గుజ్జగు నంబలినిగాక గువ్వలచెన్నా!

⁠ 50

⁠

తడబడ భీతహృతయముల బెడబెడయగుఁ బట్టుబట్టవిడఁ గట్టు నెడన్‌ బడబడ బాదుటయందును గుడగుడయన్నముడుకందు గువ్వలచెన్నా!

⁠ 51

⁠

పాగా లంగరకాలును మీఁగాళ్లనలారఁబంచె మేలిమికట్టుల్‌ సాగించుకండువాల్పయి కోఁగాయిఁకఁగానమెన్న గువ్వలచెన్నా!

⁠ 52

⁠

వెలయాండ్రవీథులంజనఁ దలఁపు లవారిఁగ జనించి తమమిత్రులతోఁ గలిసి షికారునెపంబునఁ గులుకుచుఁ బోవుదురుముందు గువ్వలచెన్నా!

⁠ 53