పుట:2015.386124.adhiqs-eipa-shatakamulu.pdf/179

⁠

ఎన్నఁగలజీవరాసుల యన్నిఁటిగర్భమునఁబుట్టి యటమనుజుండై తన్నెఱిఁగి బ్రతుకవలెరా కొన్నాళ్ళకు నెచటనున్న గువ్వలచెన్నా!

⁠ 54

⁠

కామినులకు సంతుష్టియుఁ గాముకులకు వావివరుస కఠినాత్మునకున్‌ సామోక్తులు విశ్వాసము కోమటులకుఁ దలఁప సున్న గువ్వలచెన్నా!

⁠ 55

⁠

లొడలొడయగు వదులందును బుడబుడనీళ్లందుబుట్టి మునుఁగుటయందున్‌ గడగడ చెవిబాధయెడన్‌ గొడగొడ లప్రస్తుతోక్తి గువ్వలచెన్నా!

⁠

⁠

సంకటములచే మెయిగల పొంకంబెల్లను నడింగి పొలుపరినడువన్‌ జంకుంగలిగియు మెల్లన కొంకకముండింటికేగు గువ్వలచెన్నా!

⁠ 57

⁠

ధనమైనంతట భూముల తనఖాలును విక్రయములు తరువాతసతీ మణిభూషణాంబరంబులు గొనుటయు విటలక్షణములు గువ్వలచెన్నా!

⁠ 58

⁠

నిత్యానిత్యము లెఱుఁగుచు సత్యంబగుదానిఁ దెలిసి సత్కృత్యములన్‌ నిత్యముజేయుచు దశది క్స్తుత్యముగా మెలఁగుమన్న గువ్వలచెన్నా!

⁠ 59