పుట:2015.386124.adhiqs-eipa-shatakamulu.pdf/177

⁠

వెల్లుల్లిఁ బెట్టి పొగిచిన పుల్లని గోంగూర రుచిని బొగడఁగ వశమా? మొల్లముగ నూనివేసుక కొల్లగ భుజియింప వలయు గువ్వలచెన్నా!

⁠ 42

⁠

నీచున కధికారంబును బాచకునకు నాగ్రహంబుఁ బంకజముఖికిన్‌ వాచాలత్వము బుధసం కోచముఁగడు బాధకములు గువ్వలచెన్నా!

⁠ 43

⁠

దుడ్డన నెఱుఁగవి తలిపా టొడ్డుగఁగొను విద్యచే మహోద్యోగము తా నడ్డైనఁగనులకీఁగల గొడ్డువలెఁ జరించుచుండు గువ్వలచెన్నా!

⁠ 44

⁠

బుడుతలు భోగంబులు సిరి యడరుకొలంది గనకార్యమందతిహితులై తొడరికడుఁ జెడుదు రిలపైఁ గుడియెడమలు లేకముందు గువ్వలచెన్నా!

⁠ 45

⁠

కసకసలు కాయగూరల బుసబుసలగు ఱొంపనుండు బుడుతలయందున్‌ రుసరుసలు కోపియందును గుసగుసలు రహస్యమందు గువ్వలచెన్నా!

⁠ 46

⁠

కరకర నమలుటయందును బరపరయగునెపుడు చుఱుకు వ్రాతలయందున్‌ జురచుర కాలుటయందును గొరకొరయగుఁ గోపదృష్టి గువ్వలచెన్నా!

⁠ 47