సామవేదము - పూర్వార్చికః - ద్వితీయ ప్రపాఠకః - ప్రథమోऽర్ధః

←ముందరి అధ్యాయము

సామవేదము (సామవేదము - పూర్వార్చికః - ద్వితీయ ప్రపాఠకః - ప్రథమోऽర్ధః)

తరువాతి అధ్యాయము→

పూర్వార్చికః - ద్వితీయ ప్రపాఠకః - ప్రథమోऽర్ధః - సూక్తము 1

పురు త్వా దాశివాఁ వోచేऽరిరగ్నే తవ స్విదా|
తోదస్యేవ శరణ ఆ మహస్య|| 1-2-1-01-01

ప్ర హోత్రే పూర్వ్యం వచోऽగ్నయే భరతా బృహత్|
విపాం జ్యోతీఁషి బిభ్రతే న వేధసే||1-2-1-01-02

అగ్నే వాజస్య గోమత ఈశానః సహసో యహో|
అస్మే ధేహి జాతవేదో మహి శ్రవః|| 1-2-1-01-03

అగ్నే యజిష్ఠో అధ్వరే దేవాం దేవయతే యజ|
హోతా మన్ద్రో వి రాజస్యతి స్రిధః|| 1-2-1-01-04

జజ్ఞానః సప్త మాతృభిర్మేధామాశాసత శ్రియే|
అయం ధ్రువో రయీణాం చికేతదా|| 1-2-1-01-05

ఉత స్యా నో దివా మతిరదితిరూత్యాగమత్|
సా శన్తాతా మయస్కరదప స్రిధః|| 1-2-1-01-06

ఈడిష్వా హి ప్రతీవ్యా3ం యజస్వ జాతవేదసమ్|
చరిష్ణుధూమమగృభీతశోచిషమ్|| 1-2-1-01-07

న తస్య మాయయా చ న రిపురీశీత మర్త్యః|
యో అగ్నయే దదాశ హవ్యదాతయే|| 1-2-1-01-08

అప త్యం వృజినఁ రిపుఁ స్తేనమగ్నే దురాధ్యమ్|
దవిష్ఠమస్య సత్పతే కృధీ సుగమ్|| 1-2-1-01-09

శ్రుష్ట్యగ్నే నవస్య మే స్తోమస్య వీర విశ్పతే|
ని మాయినస్తపసా రక్షసో దహ|| 1-2-1-01-10

పూర్వార్చికః - ద్వితీయ ప్రపాఠకః - ప్రథమోऽర్ధః - సూక్తము 2

ప్ర మఁహిష్ఠాయ గాయత ఋతావ్నే బృహతే శుక్రశోచిషే|
ఉపస్తుతాసో అగ్నయే|| 1-2-1-02-01

ప్ర సో అగ్నే తవోతిభిః సువీరాభిస్తరతి వాజకర్మభిః|
యస్య త్వఁ సఖ్యమావిథ|| 1-2-1-02-02

తం గూర్ధయా స్వర్ణరం దేవాసో దేవమరతిం దధన్విరే|
దేవత్రా హవ్యమూహిషే|| 1-2-1-02-03

మా నో హృణీథా అతిథిం వసురగ్నిః పురుప్రశస్త ఏశః|
యః సుహోతా స్వధ్వరః|| 1-2-1-02-04

భద్రో నో అగ్నిరాహుతో భద్రా రాతిః సుభగ భద్రో అధ్వరః|
భద్రా ఉత ప్రశస్తయః|| 1-2-1-02-05

యజిష్ఠం త్వా వవృమహే దేవం దేవత్రా హోతారమమర్త్యమ్|
అస్య యజ్ఞస్య సుక్రతుమ్|| 1-2-1-02-06

తదగ్నే ద్యుమ్నమా భర యత్సాసాహా సదనే కం చిదత్రిణమ్|
మన్యుం జనస్య దూఢ్యమ్|| 1-2-1-02-07

యద్వా ఉ విశ్పతిః శితః సుప్రీతో మనుషో విశే|
విశ్వేదగ్నిః ప్రతి రక్షాఁసి సేధతి|| 1-2-1-02-08

పూర్వార్చికః - ద్వితీయ ప్రపాఠకః - ప్రథమోऽర్ధః - సూక్తము 3

తద్వో గాయ సుతే సచా పురుహూతాయ సత్వనే|
శం యద్గవే న శాకినే|| 1-2-1-03-01

యస్తే నూనఁ శతక్రతవిన్ద్ర ద్యుమ్నితమో మదః|
తేన నూనం మదే మదేః|| 1-2-1-03-02

గావ ఉప వదావటే మహి యజ్ఞస్య రప్సుదా|
ఉభా కర్ణా హిరణ్యయా|| 1-2-1-03-03

అరమశ్వాయ గాయత శ్రుతకక్షారం గవే|
అరమిన్ద్రస్య ధామ్నే|| 1-2-1-03-04

తమిన్ద్రం వాజయామసి మహే వృత్రాయ హన్తవే|
స వృషా వృషభో భువత్|| 1-2-1-03-05

త్వమిన్ద్ర బలాదధి సహసో జాత ఓజసః|
త్వఁ సన్వృషన్వృషేదసి|| 1-2-1-03-06

యజ్ఞ ఇన్ద్రమవర్ధయద్యద్భూమిం వ్యవర్తయత్|
చక్రాణ ఓపశం దివి|| 1-2-1-03-07

యదిన్ద్రాహం తథా త్వమీశీయ వస్వ ఏక ఇత్|
స్తోతా మే గోసఖా స్యాత్|| 1-2-1-03-08

పన్యంపన్యమిత్సోతార ఆ ధావత మద్యాయ|
సోమం వీరాయ శూరాయ|| 1-2-1-03-09

ఇదం వసో సుతమన్ధః పిబా సుపూర్ణముదరమ్|
అనాభయిన్రరిమా తే|| 1-2-1-03-10

పూర్వార్చికః - ద్వితీయ ప్రపాఠకః - ప్రథమోऽర్ధః - సూక్తము 4

ఉద్ధేదభి శ్రుతామఘం వృషభం నర్యాపసమ్|
అస్తారమేషి సూర్య|| 1-2-1-04-01

యదద్య కచ్చ వృత్రహన్నుదగా అభి సూర్య|
సర్వం తదిన్ద్ర తే వశే|| 1-2-1-04-02

య ఆనయత్పరావతః సునీతీ తుర్వశం యదుమ్|
ఇన్ద్రః స నో యువా సఖా|| 1-2-1-04-03

మా న ఇన్ద్రాభ్యాऽऽ3 దిశః సూరో అక్తుష్వా యమత|
త్వా యుజా వనేమ తత్|| 1-2-1-04-04

ఏన్ద్ర సానసిఁ రయిఁ సజిత్వానఁ సదాసహమ్|
వర్షిష్ఠమూతయే భర|| 1-2-1-04-05

ఇన్ద్రం వయం మహాధన ఇన్ద్రమర్భే హవామహే|
యుజం వృత్రేషు వజ్రిణమ్|| 1-2-1-04-06

అపిబత్కద్రువః సుతమిన్ద్రః సహస్రబాహ్వే|
తత్రాదదిష్ట పౌఁస్యమ్|| 1-2-1-04-07

వయమిన్ద్ర త్వాయవోऽభి ప్ర నోనుమో వృషన్|
విద్ధీ త్వా3స్య నో వసో|| 1-2-1-04-08

ఆ ఘా యే అగ్నిమిన్ధతే స్తృణన్తి బర్హిరానుషక్|
యేషామిన్ద్రో యువా సఖా|| 1-2-1-04-09

భిన్ధి విశ్వా అప ద్విషః పరి బాధో జహీ మృధః|
వసు స్పార్హం తదా భర|| 1-2-1-04-10

పూర్వార్చికః - ద్వితీయ ప్రపాఠకః - ప్రథమోऽర్ధః - సూక్తము 5

ఇహేవ శృణ్వ ఏషాం కశా హస్తేషు యద్వదాన్|
ని యామం చిత్రమృఞ్జతే|| 1-2-1-05-01

ఇమ ఉ త్వా వి చక్షతే సఖాయ ఇన్ద్ర సోమినః|
పుష్టావన్తో యథా పశుమ్|| 1-2-1-05-02

సమస్య మన్యవే విశో విశ్వా నమన్త కృష్టయః|
సముద్రాయేవ సిన్ధవః|| 1-2-1-05-03

దేవానామిదవో మహత్తదా వృణీమహే వయమ్|
వృష్ణామస్మభ్యమూతయే|| 1-2-1-05-04

సోమానాఁ స్వరణం కృణుహి బ్రహ్మణస్పతే|
కక్షీవన్తం య ఔశిజః|| 1-2-1-05-05

బోధన్మనా ఇదస్తు నో వృత్రహా భూర్యాసుతిః|
శృణోతు శక్ర ఆశిషమ్|| 1-2-1-05-06

అద్య నో దేవ సవితః ప్రజావత్సావీః సౌభగమ్|
పరా దుఃష్వప్న్యఁ సువ|| 1-2-1-05-07

క్వా3స్య వృషభో యువా తువిగ్రీవో అనానతః|
బ్రహ్మా కస్తఁ సపర్యతి|| 1-2-1-05-08

ఉపహ్వరే గిరీణాఁ సఙ్గమే చ నదీనామ్|
ధియా విప్రో అజాయత|| 1-2-1-05-09

ప్ర సమ్రాజం చర్షణీనామిన్ద్రఁ స్తోతా నవ్యం గీర్భిః|
నరం నృషాహం మఁహిష్ఠమ్|| 1-2-1-05-10