సామవేదము - పూర్వార్చికః - చతుర్థ ప్రపాఠకః - ప్రథమోऽర్ధః

←ముందరి అధ్యాయము

సామవేదము (సామవేదము - పూర్వార్చికః - చతుర్థ ప్రపాఠకః - ప్రథమోऽర్ధః)

తరువాతి అధ్యాయము→

పూర్వార్చికః - చతుర్థ ప్రపాఠకః - ప్రథమోऽర్ధః - సూక్తము 1

చతుర్థ ప్రపాఠకః| ప్రథమోऽర్ధః
ఇమ ఇన్ద్రాయ సున్విరే సోమాసో దధ్యాశిరః|
తాఁ ఆ మదాయ వజ్రహస్త పీతయే హరిభ్యాం యాహ్యోక ఆ|| 1-4-1-01-01

ఇమ ఇన్ద్ర మదాయ తే సోమాశ్చికిత్ర ఉకిథనః|
మధోః పపాన ఉప నో గిరః శృణు రాస్వ స్తోత్రాయ గిర్వణః|| 1-4-1-01-02

ఆ త్వా3ద్య సబర్దుఘాఁ హువే గాయత్రవేపసమ్|
ఇన్ద్రం ధేనుఁ సుదుఘామన్యామిషమురుధారామరఙ్కృతమ్|| 1-4-1-01-03

న త్వా బృహన్తో అద్రయో వరన్త ఇన్ద్ర వీడవః|
యచ్ఛిక్షసి స్తువతే మావతే వసు న కిష్టదా మినాతి తే|| 1-4-1-01-04

క ఈం వేద సుతే సచా పిబన్తం కద్వయో దధే|
అయం యః పురో విభినత్యోజసా మన్దానః శిప్ర్యన్ధసః|| 1-4-1-01-05

యదిన్ద్ర శాసో అవ్రతం చ్యావయా సదసస్పరి|
అస్మాకమఁశుం మఘవన్పురుస్పృహం వసవ్యే అధి బర్హయ|| 1-4-1-01-06

త్వష్టా నో దైవ్యం వచః పర్జన్యో బ్రహ్మణస్పతిః|
పుత్రైర్భ్రాతృభిరదితిర్ను పాతు నో దుష్టరం త్రామణం వచః|| 1-4-1-01-07

కదా చ న స్తరీరసి నేన్ద్ర సశ్చసి దాశుషే|
ఉపోపేన్ను మఘవన్భూయ ఇన్ను తే దానం దేవస్య పృచ్యతే|| 1-4-1-01-08

యుఙ్క్ష్వా హి వృత్రహన్తమ హరీ ఇన్ద్ర పరావతః|
అర్వాచీనో మఘవన్త్సోమపీతయ ఉగ్ర ఋష్వేభిరా గహి|| 1-4-1-01-09

త్వామిదా హ్యో నరోऽపీప్యన్వజ్రిన్భూర్ణయః|
స ఇన్ద్ర స్తోమవాహస ఇహ శ్రుధ్యుప స్వసరమా గహి|| 1-4-1-01-10

పూర్వార్చికః - చతుర్థ ప్రపాఠకః - ప్రథమోऽర్ధః - సూక్తము 2

ప్రత్యు అదర్శ్యాయత్యూ3ఛన్తీ దుహితా దివః|
అపో మహీ వృణుతే చక్షుషా తమో జ్యోతిష్కృణోతి సూనరి|| 1-4-1-02-01

ఇమా ఉ వాం దివిష్టయ ఉస్రా హవన్తే అశ్వినా|
అయం వామహ్వేऽవసే శచీవసూ విశంవిశఁ హి గచ్ఛథః|| 1-4-1-02-02

కు ష్ఠః కో వామశ్వినా తపానో దేవా మర్త్యః|
ఘ్నతా వామశ్మయా క్షపమాణోఁశునేత్థము ఆదున్యథా|| 1-4-1-02-03

అయం వాం మధుమత్తమః సుతః సోమో దివిష్టిషు|
తమశ్వినా పిబతం తిరో అహ్న్యం ధత్తఁ రత్నాని దాశుషే|| 1-4-1-02-04

ఆ త్వా సోమస్య గల్దయా సదా యాచన్నహం జ్యా|
భూర్ణిం మృగం న సవనేషు చుక్రుధం క ఈశానం న యాచిషత్|| 1-4-1-02-05

అధ్వర్యో ద్రావయా త్వఁ సోమమిన్ద్రః పిపాసతి|
ఉపో నూనం యుయుజే వృష్ణా హరీ ఆ చ జగామ వృత్రహా|| 1-4-1-02-06

అభీ షతస్తదా భరేన్ద్ర జ్యాయః కనీయసః|
పురూవసుర్హి మఘవన్బభూవిథ భరేభరే చ హవ్యః|| 1-4-1-02-07

యదిన్ద్ర యావతస్త్వమేతావదహమీశీయ|
స్తోతారమిద్దధిషే రదావసో న పాపత్వాయ రఁసిషమ్|| 1-4-1-02-08

త్వమిన్ద్ర ప్రతూర్తిష్వభి విశ్వా అసి స్పృధః|
అశస్తిహా జనితా వృత్రతూరసి త్వం తూర్య తరుష్యతః|| 1-4-1-02-09

ప్ర యో రిరిక్ష ఓజసా దివః సదోభ్యస్పరి|
న త్వా వివ్యాచ రజ ఇన్ద్ర పార్థివమతి విశ్వం వవక్షిథ|| 1-4-1-02-10

పూర్వార్చికః - చతుర్థ ప్రపాఠకః - ప్రథమోऽర్ధః - సూక్తము 3

అసావి దేవం గోఋజీకమన్ధో న్యస్మిన్నిన్ద్రో జనుషేమువోచ|
బోధామసి త్వా హర్యశ్వ యజ్ఞైర్బోధా న స్తోమమన్ధసో మదేషు|| 1-4-1-03-01

యోనిష్ట ఇన్ద్ర సదనే అకారి తమా నృభిః పురూహూత ప్ర యాహి|
అసో యథా నోऽవితా వృధశ్చిద్దదో వసూని మమదశ్చ సోమైః|| 1-4-1-03-02

అదర్దరుత్సమసృజో వి ఖాని త్వమర్ణవాన్బద్బధానాఁ అరమ్ణాః|
మహాన్తమిన్ద్ర పర్వతం వి యద్వః సృజద్ధారా అవ యద్దానవాన్హన్|| 1-4-1-03-03

సుష్వాణాస ఇన్ద్ర స్తుమసి త్వా సనిష్యన్తశ్చిత్తువినృమ్ణ వాజమ్|
ఆ నో భర సువితం యస్య కోనా తనా త్మనా సహ్యామా త్వోతాః|| 1-4-1-03-04

జగృహ్మా తే దక్షిణమిన్ద్ర హస్తం వసూయవో వసుపతే వసూనామ్|
విద్మా హి త్వా గోపతిఁ శూర గోనామస్మభ్యం చిత్రం వృషణఁ రయిన్దాః|| 1-4-1-03-05

ఇన్ద్రం నరో నేమధితా హవన్తి యత్పార్యా యునజతే ధియస్తాః|
శూరో నృషాతా శ్రవసశ్చ కామ ఆ గోమతి వ్రజే భజా త్వం నః|| 1-4-1-03-06

వయః సుపర్ణా ఉప సేదురిన్ద్రం ప్రియమేధా ఋషయో నాధమానాః|
అప ధ్వాన్తమూర్ణుహి పూర్ధి చక్షుర్ముముగ్ధ్యా3స్మాన్నిధయేవ బద్ధాన్|| 1-4-1-03-07

నాకే సుపర్ణముప యత్పతన్తఁ హృదా వేనన్తో అభ్యచక్షత త్వా|
హిరణ్యపక్షం వరుణస్య దూతం యమస్య యోనౌ శకునం భురణ్యుమ్|| 1-4-1-03-08

బ్రహ్మ జజ్ఞానం ప్రథమం పురస్తాద్వి సీమతః సురుచో వేన ఆవః|
స బుధ్న్యా ఉపమా అస్య విష్ఠాః సతశ్చ యోనిమసతశ్చ వివః|| 1-4-1-03-09

అపూర్వ్యా పురుతమాన్యస్మై మహే వీరాయ తవసే తురాయ|
విరప్శినే వజ్రిణే శన్తమాని వచాఁస్యాస్మై స్థవిరాయ తక్షుః|| 1-4-1-03-10

పూర్వార్చికః - చతుర్థ ప్రపాఠకః - ప్రథమోऽర్ధః - సూక్తము 4

అవ ద్రప్సో అఁశుమతీమతిష్ఠదీయానః కృష్ణో దశభిః సహస్రైః|
ఆవత్తమిన్ద్రః శచ్యా ధమన్తమప స్నీహితిం నృమణా అధద్రాః|| 1-4-1-04-01

వృత్రస్య త్వా శ్వసథాదీషమాణా విశ్వే దేవా అజహుర్యే సఖాయః|
మరుద్భిరిన్ద్ర సఖ్యం తే అస్త్వథేమా విశ్వాః పృతనా జయాసి|| 1-4-1-04-02

విధుం దద్రాణఁ సమనే బహూనాఁ యువానఁ సన్తం పలితో జగార|
దేవస్య పశ్య కావ్యం మహిత్వాద్యా మమార స హ్యః సమాన|| 1-4-1-04-03

త్వఁ హ త్యత్సప్తభ్యో జాయమానోऽశత్రుభ్యో అభవః శత్రురిన్ద్ర|
గూఢే ద్యావాపృథివీ అన్వవిన్దో విభుమద్భ్యో భువనేభ్యో రణం ధాః|| 1-4-1-04-04

మేడిం న త్వా వజ్రిణం భృష్టిమన్తం పురుధస్మానం వృషభఁ స్థిరప్స్నుమ్|
కరోష్యర్యస్తరుషీర్దువస్యురిన్ద్ర ద్యుక్షం వృత్రహణం గృణీషే|| 1-4-1-04-05

ప్ర వో మహే మహేవృధే భరధ్వం ప్రచేతసే ప్ర సుమతిం కృణుధ్వమ్|
విశః పూర్వీః ప్ర చర చర్షణిప్రాః|| 1-4-1-04-06

శునఁ హువేమ మఘవానమిన్ద్రమస్మిన్భరే నృతమం వాజసాతౌ|
శృణ్వన్తముగ్రమూతయే సమత్సు ధ్నన్తం వృత్రాణి సఞ్జితం ధనాని|| 1-4-1-04-07

ఉదు బ్రహ్మాణ్యైరత శ్రవస్యేన్ద్రఁ సమర్యే మహయా వసిష్ఠ|
ఆ యో విశ్వాని శ్రవసా తతానోపశ్రోతా మ ఈవతో వచాఁసి|| 1-4-1-04-08

చక్రం యదస్యాప్స్వా నిషత్తముతో తదస్మై మధ్విచ్చచ్ఛద్యాత్|
పృథివ్యామతిషితం యదూధః పయో గోష్వదధా ఓషధీషు|| 1-4-1-04-09

పూర్వార్చికః - చతుర్థ ప్రపాఠకః - ప్రథమోऽర్ధః - సూక్తము 5

త్యమూ షు వాజినం దేవజూతఁ సహోవానం తరుతారఁ రథానామ్|
అరిష్టనేమిం పృతనాజమాశుఁ స్వస్తయే తార్క్ష్యమిహా హువేమ|| 1-4-1-05-01

త్రాతారమిన్ద్రమవితారమిన్ద్రఁ హవేహవే సుహవఁ శూరమిన్ద్రమ్|
హువే ను శక్రం పురుహూతమిన్ద్రమిదఁ హవిర్మఘవా వేత్విన్ద్రః|| 1-4-1-05-02

యజామహ ఇన్ద్రం వజ్రదక్షిణఁ హరీణాఁ రథ్య3ం వివ్రతానామ్|
ప్ర శ్మశ్రుభిర్దోధువదూర్ధ్వధా భువద్వి సేనాభిర్భయమానో వి రాధసా|| 1-4-1-05-03

సత్రాహణం దాధృషిం తుమ్రమిన్ద్రం మహామపారం వృశభఁ సువజ్రమ్|
హన్తా యో వృత్రఁ సనితోత వాజం దాతా మఘాని మఘవా సురాధాః|| 1-4-1-05-04

యో నో వనుష్యన్నభిదాతి మర్త ఉగణా వా మన్యమానస్తురో వా|
క్షిధీ యుధా శవసా వా తమిన్ద్రాభీ ష్యామ వృషమణస్త్వోతాః|| 1-4-1-05-05

యం వృత్రేషు క్షితయ స్పర్ధమానా యం యుక్తేషు తురయన్తో హవన్తే|
యఁ శూరసాతౌ యమపాముపజ్మన్యం విప్రాసో వాజయన్తే స ఇన్ద్రః|| 1-4-1-05-06

ఇన్ద్రాపర్వతా బృహతా రథేన వామీరిష ఆ వహతఁ సువీరాః|
వీతఁ హవ్యాన్యధ్వరేషు దేవా వర్ధేథాం గీర్భీరిడయా మదన్తా|| 1-4-1-05-07

ఇన్ద్రాయ గిరో అనిశితసర్గా అపః ప్రైరయత్సగరస్య బుధ్నాత్|
యో అక్షేణేవ చక్రియౌ శచీభిర్విష్వక్తస్తమ్భ పృథివీముత ద్యామ్|| 1-4-1-05-08

ఆ త్వా సఖాయః సఖ్యా వవృత్యుస్తిరః పురూ చిదర్ణవాం జగమ్యాః|
పితుర్నపాతమా దధిత వేధా అస్మిన్క్షయే ప్రతరాం దీద్యానః|| 1-4-1-05-09

కో అద్య యుఙ్క్తే ధురి గా ఋతస్య శిమీవతో భామినో దుర్హృణాయూన్|
ఆసన్నేషామప్సువాహో మయోభూన్య ఏషాం భృత్యామృణధత్స జీవాత్|| 1-4-1-05-10