శుక్ల యజుర్వేదము - అధ్యాయము 39
| ←ముందరి అధ్యాయము | శుక్ల యజుర్వేదము (శుక్ల యజుర్వేదము - అధ్యాయము 39) | తరువాతి అధ్యాయము→ |
స్వాహాప్రాణేభ్యః సాధిపతికేభ్యః |
పృథివ్యై స్వాహా |
అగ్నయే స్వాహా |
అన్తరిక్షే స్వాహా |
వాయవే స్వాహా |
దివే స్వాహా |
సూర్యాయ స్వాహా ||
దిగ్భ్యః స్వాహా |
చన్ద్రాయ స్వాహా |
నక్షత్రేభ్యః స్వాహా |
అద్భ్యః స్వాహా |
వరుణాయ స్వాహా |
నాభ్యై స్వాహా |
పూతాయ స్వాహా ||
వాచే స్వాహా |
ప్రాణాయ స్వాహా |
ప్రాణాయ స్వాహా |
చక్షుషే స్వాహా |
చక్షుషే స్వాహా |
శ్రోత్రాయ స్వాహా |
శ్రోత్రాయ స్వాహా ||
మనసః కామమాకూతిం వాచః సత్యమశీయ |
పశూనాఁ రూపమన్నస్య రసో యశః శ్రీః శ్రయతాం మయి స్వాహా ||
ప్రజాపతిః సంభ్రియమాణః సమ్రాట్సంభృతో వైశ్వదేవః సఁసన్నో ఘర్మః
ప్రవృక్తస్తేజ ఉద్యత ఆశ్వినః పయస్యానీయమానే పౌష్ణో విష్పన్దమానే మారుతః క్లథన్ |
మైత్రః శరసి సంతాయ్యమానే వాయవ్యో హ్రియమాణ ఆగ్నేయో హూయమానో
వాగ్ఘుతః ||
సవితా ప్రథమే హన్నగ్నిర్ద్వితీయే వాయుస్తృతీయ
ఆదిత్యశ్చతుర్థే చన్ద్రమాః పఞ్చమ ఋతుః షష్ఠే మరుతః సప్తమే బృహస్పతిరష్టమే |
మిత్రో నవమే వరుణో దశమ ఇన్ద్ర ఏకాదశే విశ్వే దేవా ద్వాదశే ||
ఉగ్రశ్చ భీమశ్చ ధ్వాన్తశ్చ ధునిశ్చ |
సాసహ్వాఁశ్చాభియుగ్వా చ విక్షిపః స్వాహా ||
అగ్నిఁ హృదయేనాశనిఁ హృదయాగ్రేణ పశుపతిం కృత్స్నహృదయేన భవం
యక్నా |
శర్వం మతస్నాభ్యామీశానం మన్యునా మహాదేవమన్తఃపర్శవ్యేనోగ్రం
దేవం వనిష్ఠునా వసిష్ఠహనుః శిఙ్గీని కోశ్యాభ్యామ్ ||
ఉగ్రం లోహితేన మిత్రఁ సౌవ్రత్యేన రుద్రం దౌర్వ్రత్యేనేన్ద్రం
ప్రక్రీడేన మరుతో బలేన సాధ్యాన్ప్రముదా |
భవస్య కణ్ఠఁ రుద్రస్యాన్తఃపార్శ్వం మహాదేవస్య
యకృచ్ఛర్వస్య వనిష్ఠుః పశుపతేః పురీతత్ ||
లోమభ్యః స్వాహా లోమభ్యః స్వాహా త్వచే స్వాహా త్వచే స్వాహా
లోహితాయ స్వాహా లోహితాయ స్వాహా మేదోభ్యః స్వాహా మేదోభ్యః స్వాహా |
మాఁసేభ్యః స్వాహా మాఁసేభ్యః స్వాహా స్నావభ్యః స్వాహా
స్నావభ్యః స్వాహాస్థభ్యః స్వాహాస్థభ్యః స్వాహా మజ్జభ్యః స్వాహా మజ్జభ్యః
స్వాహా |
రేతసే స్వాహా పాయవే స్వాహా ||
ఆయాసాయ స్వాహా ప్రాయాసాయ స్వాహా సంయాసాయ స్వాహా వియాసాయ
స్వాహోద్యాసాయ స్వాహా |
శుచే స్వాహా శోచతే స్వాహా శోచమానాయ స్వాహా శోకాయ స్వాహా ||
తపసే స్వాహా తప్యతే స్వాహా తప్యమానాయ స్వాహా తప్తాయ
స్వాహా ఘర్మాయ స్వాహా |
నిష్కృత్యై స్వాహా ప్రాయశ్చిత్త్యై స్వాహాభేషజాయ స్వాహా ||
యమాయ స్వాహాన్తకాయ స్వాహా మృత్యవే స్వాహా బ్రహ్మణే స్వాహా
బ్రహ్మహత్యాయై స్వాహా విశ్వేభ్యో దేవేభ్యః స్వాహా ద్యావాపృథివీభ్యాఁ
స్వాహా ||
| ←ముందరి అధ్యాయము | శుక్ల యజుర్వేదము | తరువాతి అధ్యాయము→ |