శుక్ల యజుర్వేదము - అధ్యాయము 25
| ←ముందరి అధ్యాయము | శుక్ల యజుర్వేదము (శుక్ల యజుర్వేదము - అధ్యాయము 25) | తరువాతి అధ్యాయము→ |
శాదం దద్భిరవకాం దన్తమూలైర్మృదం బర్స్వైస్తేగాన్దఁష్ట్రాభ్యాఁ
సరస్వత్యా అగ్రజిహ్వం జిహ్వాయా ఉత్సాదమవక్రన్దేన తాలు వాజఁ హనుభ్యామప
ఆస్యేన వృషణమాణ్డాభ్యామాదిత్యాఁ శ్మశ్రుభిః పన్థానం భ్రూభ్యాం ద్యావాపృథివీ
వర్తోభ్యాం విద్యుతం కనీనకాభ్యాఁ శుక్లాయ స్వాహా కృష్ణాయ స్వాహా
పార్యాణి పక్ష్మాణ్యవార్యా ఇక్షవో వార్యాణి పక్ష్మాణి పార్యా ఇక్షవః ||
వాతం ప్రాణేనాపానేన నసికే ఉపయామమధరేణౌష్ఠేన సదుత్తరేణ
ప్రకాశేనాన్తరమనూకాశేన బాహ్వ్యం నివేష్యం మూర్ధ్నా స్తనయిత్నుం
నిర్బాధేనాశనిం మస్తిష్కేణ విద్యుతం కనీనకాభ్యాం కర్ణాభ్యాఁ శ్రోత్రఁ
శ్రోత్రాభ్యాం కర్ణౌ తేదనీమధరకణ్ఠేనాపః శుష్కకణ్ఠేన చిత్తం మన్యాభిరదితిఁ
శీర్ష్ణా నిరృతిం నిర్జర్జల్పేన శీర్ష్ణా సంక్రోశైః ప్రాణాన్రేష్మాణఁ
స్తుపేన ||
మశకాన్కేశైరిన్ద్రఁ స్వపసా వహేన బృహస్పతిఁ శకునిసాదేన
కూర్మాఞ్ఛపైరాక్రమనఁ స్థూరాభ్యామృక్షలాభిః కపిఞ్జలాన్జవం జఙ్ఘాభ్యామధ్వానం
బాహుభ్యాం జామ్బీలేనారణ్యమగ్నిమతిరుగ్భ్యాం పూషణం
దోర్భ్యామశ్వినావఁసాభ్యాఁ రుద్రఁ రోరాభ్యామ్ ||
అగ్నేః పక్షతిర్వాయోర్నిపక్షతిరిన్ద్రస్య తృతీయా సోమస్య
చతుర్థ్యదిత్యై పఞ్చమీన్ద్రాణ్యై షష్ఠీ మరుతాఁ సప్తమీ బృహస్పతేరష్టమ్యర్యమ్ణో
నవమీ ధాతుర్దశమీన్ద్రస్యైకాదశీ వరుణస్య ద్వాదశీ యమస్య త్రయోదశీ ||
ఇన్ద్రాగ్న్యోః పక్షతిర్సరస్వత్యై నిపక్షతిర్మిత్రస్య
తృతీయాపాం చతుర్థీ నిరృత్యై పఞ్చమ్యగ్నీషోమయోః షష్ఠీ సర్పాణాఁ సప్తమీ
విష్ణోరష్టమీ పూష్ణో నవమీ త్వష్టుర్దశమీన్ద్రస్యైకాదశీ వరుణస్య ద్వాదశీ యమ్యై
త్రయోదశీ ద్యావాపృథివ్యోర్దక్షిణం పార్శ్వం విశ్వేషాం దేవానాముత్తరమ్ ||
మరుతాఁ స్కన్ధా విశ్వేషాం దేవానాం ప్రథమా కీకసా రుద్రాణాం
ద్వితీయాదిత్యానాం తృతీయా వాయోః పుచ్ఛమగ్నీషోమయోర్భాసదౌ క్రుఞ్చౌ
శ్రోణిభ్యామిన్ద్రాబృహస్పతీ ఊరుభ్యాం మిత్రావరుణావల్గాభ్యామాక్రమణఁ
స్థూరాభ్యాం బలం కుష్ఠాభ్యామ్ ||
పూషణం వనిష్ఠునాన్ధాహీన్త్స్థూలగుదయా
సర్పాన్గుదాభిర్విహ్రుత ఆన్త్రైరపో వస్తినా వృషణమాణ్డాభ్యాం వాజినఁ శేపేన
ప్రజాఁ రేతసా చాషాన్పిత్తేన ప్రదరాన్పాయునా కూశ్మాఞ్ఛకపిణ్డైః ||
ఇన్ద్రస్య క్రీడో దిత్యై పాజస్యం దిశాం జత్రవో దిత్యై
భసజ్జీమూతాన్హృదయౌపశేనాన్తరిక్షం పురీతతా నభ ఉదర్యేణ చక్రవాకౌ
మతస్నాభ్యాం దివం వృక్కాభ్యాం గిరీన్ప్లాశిభిరుపలాన్ప్లీహ్నా
వల్మీకాన్క్లోమభిర్గ్లౌభిర్గుల్మాన్హిరాభిః స్రవన్తీర్హ్రదాన్కుక్షిభ్యాఁ
సముద్రముదరేణ వైశ్వానరం భస్మనా ||
విధృతిం నాభ్యా ధృతఁ రసేనాపో యూష్ణా
మరీచీర్విప్రుడ్భిర్నీహారమూష్మణా శీనం వసయా ప్రుష్వా
అశ్రుభిర్హ్రాదునీర్దూషీకాభిరస్నా రక్షాఁసి చిత్రాణ్యఙ్గైర్నక్షత్రాణి
రూపేణ పృథివీం త్వచా జుమ్బకాయ స్వాహా ||
హిరణ్యగర్భః సమవర్తతాగ్రే భూతస్య జాతః పతిరేక ఆసీత్ |
స దాధార పృథివీం ద్యాముతేమాం కస్మై దేవాయ హవిషా విధేమ ||
యః ప్రాణతో నిమిషతో మహిత్వైక ఇద్రాజా జగతో బభూవ |
య ఈశే అస్య ద్విపదశ్చతుష్పదః కస్మై దేవాయ హవిషా విధేమ ||
యస్యేమే హిమవన్తో మహిత్వా యస్య సముద్రఁ రసయా సహాహుః |
యస్యేమాః ప్రదిశో యస్య బాహూ కస్మై దేవాయ హవిషా విధేమ ||
య ఆత్మదా బలదా యస్య విశ్వ ఉపాసతే ప్రశిషం యస్య దేవాః |
యస్య ఛాయామృతం యస్య మృత్యుః కస్మై దేవాయ హవిషా విధేమ ||
ఆ నో భద్రాః క్రతవో యన్తు విశ్వతో దబ్ధాసో అపరీతాస ఉద్భిదః |
దేవా నో యథా సదమిద్వృధే అసన్నప్రాయువో రక్షితారో దివే-దివే ||
దేవానాం భద్రా సుమతిరృజూయతాం దేవానాఁ రాతిరభి నో ని
వర్తతామ్ |
దేవానాఁ సఖ్యముప సేదిమా వయం దేవా న ఆయుః ప్ర తిరన్తు జీవసే ||
తాన్పూర్వయా నివిదా హూమహే వయం భగం మిత్రమదితిం దక్షమస్రిధమ్ |
అర్యమణం వరుణఁ సోమమశ్వినా సరస్వతీ నః సుభగా మయస్కరత్ ||
తన్నో వాతో మయోభు వాతు భేషజం తన్మాతా పృథివీ తత్పితా ద్యౌః |
తద్గ్రావాణః సోమసుతో మయోభువస్తదశ్వినా శృణుతం ధిష్ణ్యా యువమ్ ||
తమీశానం జగతస్తస్థుషస్పతిం ధియంజిన్వమవసే హూమహే వయమ్ |
పూషా నో యథా వేదసామసద్వృధే రక్షితా పాయురదబ్ధః స్వస్తయే ||
స్వస్తి న ఇన్ద్రో వృద్ధశ్రవాః స్వస్తి నః పూషా విశ్వవేదాః |
స్వస్తి నస్తార్క్ష్యో అరిష్టనేమిః స్వస్తి నో బృహస్పతిర్దధాతు ||
పృషదశ్వా మరుతః పృశ్నిమాతరః శుభంయావానో విదథేషు జగ్మయః |
అగ్నిజిహ్వా మనవః సూరచక్షసో విశ్వే నో దేవా అవసా గమన్నిహ ||
భద్రం కర్ణేభిః శృణుయామ దేవా భద్రం పశ్యేమాక్షభిర్యజత్రాః |
స్థిరైరఙ్గైస్తుష్టువాఁసస్తనూభిర్వ్యశేమహి దేవహితం యదాయుః ||
శతమిన్ను శరదో అన్తి దేవా యత్రా నశ్చక్రా జరసం తనూనామ్ |
పుత్రాసో యత్ర పితరో భవన్తి మా నో మధ్యా రీరిషతాయుర్గన్తోః ||
అదితిర్ద్యౌరదితిరన్తరిక్షమదితిర్మాతా స పితా స పుత్రః |
విశ్వే దేవా అదితిః పఞ్చ జనా అదితిర్జాతమదితిర్జనిత్వమ్ ||
మా నో మిత్రో వరుణో అర్యమాయురిన్ద్ర ఋభుక్షా మరుతః పరి ఖ్యన్ |
యద్వాజినో దేవజాతస్య సప్తేః ప్రవక్ష్యామో విదథే వీర్యాణి ||
యన్నిర్ణిజా రేక్ణసా ప్రావృతస్య రాతిం గృభీతాం ముఖతో నయన్తి |
సుప్రాఙజో మేమ్యద్విశ్వరూప ఇన్ద్రాపూష్ణోః ప్రియమప్యేతి పాథః ||
ఏష ఛాగః పురో అశ్వేన వాజినా పూష్ణో భాగో నీయతే విశ్వదేవ్యః |
అభిప్రియం యత్పురోడాశమర్వతా త్వష్టేదేనఁ సౌశ్రవసాయ జిన్వతి ||
యద్ధవిష్యమృతుశో దేవయానం త్రిర్మానుషాః పర్యశ్వం నయన్తి |
అత్రా పూష్ణః ప్రథమో భాగ ఏతి యజ్ఞం దేవేభ్యః ప్రతివేదయన్నజః ||
హోతాధ్వర్యురావయా అగ్నిమిన్ధో గ్రావగ్రాభ ఉత శఁస్తా సువిప్రః |
తేన యజ్ఞేన స్వరంకృతేన స్విష్టేన వక్షణా ఆ పృణధ్వమ్ ||
యూపవ్రస్కా ఉత యే యూపవాహాశ్చషాలం యే అశ్వయూపాయ తక్షతి |
యే చార్వతే పచనఁ సమ్భరన్త్యుతో తేషామభిగూర్తిర్న ఇన్వతు ||
ఉప ప్రాగాత్సుమన్మే ధాయి మన్మ దేవానామాశా ఉప వీతపృష్ఠః |
అన్వేనం విప్రా ఋషయో మదన్తి దేవానాం పుష్టే చకృమా సుబన్ధుమ్ ||
యద్వాజినో దామ సందానమర్వతో యా శీర్షణ్యా రశనా రజ్జురస్య |
యద్వా ఘాస్య ప్రభృతమాస్యే తృణఁ సర్వా తా తే అపి దేవేష్వస్తు ||
యదశ్వస్య క్రవిషో మక్షికాశ యద్వా స్వరౌ స్వధితౌ రిప్తమస్తి |
యద్ధస్తయోః శమితుర్యన్నఖేషు సర్వా తా తే అపి దేవేష్వస్తు ||
యదూవధ్యముదరస్యాపవాతి య ఆమస్య క్రవిషో గన్ధో అస్తి |
సుకృతా తచ్ఛమితారః కృణ్వన్తూత మేధఁ శృతపాకం పచన్తు ||
యత్తే గాత్రాదగ్నినా పచ్యమానాదభి శూలం నిహతస్యావధావతి |
మా తద్భూమ్యామా శ్రిషన్మా తృణేషు దేవేభ్యస్తదుశద్భ్యో రాతమస్తు ||
యే వాజినం పరిపశ్యన్తి పక్వం య ఈమాహుః సురభిర్నిర్హరేతి |
యే చార్వతో మాఁసభిక్షాముపాసత ఉతో తేషామభిగూర్తిర్న ఇన్వతు ||
యన్నీక్షణం మాఁస్పచన్యా ఉఖాయా యా పాత్రాణి యూష్ణ ఆసేచనాని |
ఊష్మణ్యాపిధానా చరూణామఙ్కాః సూనాః పరి భూషన్త్యశ్వమ్ ||
మా త్వాగ్నిర్ధ్వనయీద్ధూమగన్ధిర్మోఖా భ్రాజన్త్యభి విక్త
జఘ్రిః |
ఇష్టం వీతమభిగూర్తం వషట్కృతం తం దేవాసః ప్రతి
గృభ్ణన్త్యశ్వమ్ ||
నిక్రమణం నిషదనం వివర్తనం యచ్చ పడ్వీశమర్వతః |
యచ్చ పపౌ యచ్చ ఘాసిం జఘాస సర్వా తా తే అపి దేవేష్వస్తు ||
యదశ్వాయ వాస ఉపస్తృణన్త్యధీవాసం యా హిరణ్యాన్యస్మై |
సందానమర్వన్తం పడ్వీశం ప్రియా దేవేష్వా యామయన్తి ||
యత్తే సాదే మహసా శూకృతస్య పార్ష్ణ్యా వా కశయా వా తుతోద |
స్రుచేవ తా హవిషో అధ్వరేషు సర్వా తా తే బ్రహ్మణా సూదయామి ||
చతుస్త్రిఁశద్వాజినో దేవబన్ధోర్వఙ్క్రీరశ్వస్య స్వధితిః
సమేతి |
అచ్ఛిద్రా గాత్రా వయునా కృణోత పరుష్-పరురనుఘుష్యా వి శస్త ||
ఏకస్త్వష్టురశ్వస్యా విశస్తా ద్వా యన్తారా భవతస్తథ ఋతుః |
యా తే గాత్రాణామృతుథా కృణోమి తా-తా పిణ్డానాం ప్ర జుహోమ్యగ్నౌ ||
మా త్వా తపత్ప్రియ ఆత్మాపియన్తం మా స్వధితిస్తన్వ ఆ
తిష్ఠిపత్తే |
మా తే గృధ్నురవిశస్తాతిహాయ ఛిద్రా గాత్రాణ్యసినా మిథూ కః ||
న వా ఉ ఏతన్మ్రియసే న రిష్యసి దేవాఁ ఇదేషి పథిభిః సుగేభిః |
హరీ తే యుఞ్జా పృషతీ అభూతాముపాస్థాద్వాజీ ధురి రాసభస్య ||
సుగవ్యం నో వాజీ స్వశ్వ్యం పుఁసః పుత్రాఁ ఉత విశ్వాపుషఁ రయిమ్ |
అనాగాస్త్వం నో అదితిః కృణోతు క్షత్రం నో అశ్వో వనతాఁ
హవిష్మాన్ ||
ఇమా ను కం భువనా సీషధామేన్ద్రశ్చ విశ్వే చ దేవాః |
ఆదిత్యైరిద్న్రః సగణో మరుద్భిరస్మభ్యం భేషజా కరత్ |
యజ్ఞం చ నస్తన్వం చ ప్రజాం చాదిత్యైరిన్ద్రః సహ సీషధాతి ||
అగ్నే త్వం నో అన్తమ ఉత త్రాతా శివో భవ వరూథ్యః |
వసురగ్నిర్వసుశ్రవా అచ్ఛా నక్షి ద్యుమత్తమఁ రయిం దాః |
తం త్వా శోచిష్ఠ దీదివః సుమ్నాయ నూనమీమహే సఖిభ్యః ||
| ←ముందరి అధ్యాయము | శుక్ల యజుర్వేదము | తరువాతి అధ్యాయము→ |