శుక్ల యజుర్వేదము - అధ్యాయము 23

వికీసోర్స్ నుండి
శుక్ల యజుర్వేదము (శుక్ల యజుర్వేదము - అధ్యాయము 23)



  
హిరణ్యగర్భః సమవర్తతాగ్రే భూతస్య జాతః పతిరేక ఆసీత్ |
స దాధార పృథివీం ద్యాముతేమాం కస్మై దేవాయ హవిషా విధేమ ||

  
ఉపయామగృహీతో సి ప్రజాపతయే త్వా జుష్టం గృహ్ణామి |
ఏష తే యోనిః సూర్యస్తే మహిమా |
యస్తే హన్త్సంవత్సరే మహిమా సంబభూవ యస్తే వాయావన్తరిక్షే
మహిమా సంబభూవ యస్తే దివి సూర్యే మహిమా సంబభూవ తస్మై తే మహిమ్నే
ప్రజాపతయే స్వాహా దేవేభ్యః ||

  
యః ప్రాణతో నిమిషతో మహిత్వైక ఇద్రాజా జగతో బభూవ |
య ఈశే అస్య ద్విపదశ్చతుష్పదః కస్మై దేవాయ హవిషా విధేమ ||

  
ఉపయామగృహీతో సి ప్రజాపతయే త్వా జుష్టం గృహ్ణామి |
ఏష తే యోనిశ్చన్ద్రస్తే మహిమా |
యస్తే రాత్రౌ సంవత్సరే మహిమా సంబభూవ యస్తే పృథివ్యామగ్నౌ
మహిమా సంబభూవ యస్తే నక్షత్రేషు చన్ద్రమసి మహిమా సంబభూవ తస్మై తే మహిమ్నే
ప్రజాపతయే దేవేభ్యః స్వాహా ||

  
యుఞ్జన్తి బ్రధ్నమరుషం చరన్తం పరి తస్థుషః |
రోచన్తే రోచనా దివి ||

  
యుఞ్జన్త్యస్య కామ్యా హరీ విపక్షసా రథే |
శోణా ధృష్ణూ నృసాహసా ||

  
యద్వాతో అపో అగనీగన్ప్రియామిన్ద్రస్య తన్వమ్ |
ఏతఁ స్తోతరనేన పథా పునరశ్వమా వర్తయాసి నః ||

  
వసవస్త్వాఞ్జన్తు గాయత్రేణ ఛన్దసా |
రుద్రాస్త్వాఞ్జన్తు త్రైష్టుభేన ఛన్దసా |
ఆదిత్యాస్త్వాఞ్జన్తు జాగతేన ఛన్దసా |
భూర్భువః స్వర్లాజీ౩ఞ్ఛాచీ౩న్యవ్యే గవ్య ఏతదన్నమత్త దేవా
ఏతదన్నమద్ధి ప్రజాపతే ||

  
కః స్విదేకాకీ చరతి క ఉ స్విజ్జాయతే పునః |
కిఁ స్విద్ధిమస్య భేషజం కిమ్వావపనం మహత్ ||

  
సూర్య ఏకాకీ చరతి చన్ద్రమా జాయతే పునః |
అగ్నిర్ధిమస్య భేషజం భూమిరావపనం మహత్ ||

  
కా స్విదాసీత్పూర్వచిత్తిః కిఁ స్విదాసీద్బృహద్వయః |
కా స్విదాసీత్పిలిప్పిలా కా స్విదాసీత్పిశఙ్గిలా ||

  
ద్యౌరాసీత్పూర్వచిత్తిః అశ్వ ఆసీద్బృహద్వయః |
అవిరాసీత్పిలిప్పిలా రాత్రిరాసీత్పిశఙ్గిలా ||

  
వాయుష్ట్వా పచతైరవతు |
అసితగ్రీవశ్ఛాగైః |
న్యగ్రోధశ్చమసైః |
శల్మలిర్వృద్ధ్యా |
ఏష స్య రాథ్యో వృషా |
పడ్భిశ్చతుర్భిరేదగన్ |
బ్రహ్మాకృష్ణశ్చ నో వతు |
నమో గ్నయే ||

  
సఁశితో రశ్మినా రథః సఁశితో రశ్మినా హయః |
సఁశితో అప్స్వప్సుజా బ్రహ్మా సోమపురోగవః ||

  
స్వయం వాజిఁస్తన్వం కల్పయస్వ స్వయం యజస్వ స్వయం జుషస్వ |
మహిమా తే న్యేన న సంనశే ||

  
న వా ఉ ఏతన్మ్రియసే న రిష్యసి దేవాఁ ఇదేషి పథిభిః సుగేభిః |
యత్రాసతే సుకృతో యత్ర తే యయుస్తత్ర త్వా దేవః సవితా దధాతు ||

  
అగ్నిః పశురాసీత్తేనాయజన్త స ఏతం లోకమజయద్యస్మిన్నగ్నిః స తే
లోకో భవిష్యతి తం జేష్యసి పిబైతా అపః |
వాయుః పశురాసీత్తేనాయజన్త స ఏతం లోకమజయద్యస్మిన్వాయుః స తే
లోకో భవిష్యతి తం జేష్యసి పిబైతా అపః |
సూర్యః పశురాసీత్తేనాయజన్త స ఏతం లోకమజయద్యస్మిన్త్సూర్యః స
తే లోకో భవిష్యతి తం జేష్యసి పిబైతా అపః ||

  
ప్రాణాయ స్వాహా |
అపానాయ స్వాహా |
వ్యానాయ స్వాహా అమ్బే అమ్బికే మ్బాలికే న మా నయతి కశ్చన |
ససస్త్యశ్వకః సుభద్రికాం కామ్పీలవాసినీమ్ ||

  
గణానాం త్వా గణపతిఁ హవామహే ప్రియాణాం త్వా ప్రియపతిఁ హవామహే
నిధీనాం త్వా నిధిపతిఁ హవామహే వసో మమ |
ఆహమజాని గర్భధమా త్వమజాసి గర్భధమ్ ||

  
తా ఉభౌ చతురః పదః సమ్ప్ర సారయావ స్వర్గే లోకే ప్రోర్ణువాథాం
వృషా వాజీ రేతోధా రేతో దధాతు ||

  
ఉత్సక్థ్యా అవ గుదం ధేహి సమఞ్జిం చారయా వృషన్ |
య స్త్రీణాం జీవభోజనః ||

  
యకాసకౌ శకున్తికాహలగితి వఞ్చతి |
ఆ హన్తి గభే పసో నిగల్గలీతి ధారకా ||

  
యకో సకౌ శకున్తక ఆహలగితి వఞ్చతి |
వివక్షత ఇవ తే ముఖమధ్వర్యో మా నస్త్వమభి భాషథాః ||

  
మాతా చ తే పితా చ తే గ్రం వృక్షస్య రోహతః |
ప్రతిలామీతి తే పితా గభే ముష్టిమతఁసయత్ ||

  
మాతా చ తే పితా చ తే గ్రే వృక్షస్య క్రీడతః |
వివక్షత ఇవ తే ముఖం బ్రహ్మన్మా నస్త్వం వదో బహు ||

  
ఊర్ధ్వమేనాముచ్ఛ్రాపయ గిరౌ భారఁ హరన్నివ |
అథాస్యై మధ్యమేధతాఁ శీతే వాతే పునన్నివ ||

  
ఊర్ధ్వమేనముచ్ఛ్రాపయ గిరౌ భారఁ హరన్నివ |
అథాస్య మధ్యమేజతు శీతే వాతే పునన్నివ ||

  
యదస్యా అఁహుభేద్యాః కృధు స్థూలముపాతసత్ |
ముష్కావస్యా ఏజతో గోశపే శకులావివ ||

  
యద్దేవాసో లలామగుం ప్ర విష్టీమినమావిషుః |
సక్థ్నా దేదిశ్యతే నారీ సత్యస్యాక్షిభువో యథా ||

  
యద్ధరిణో యవమత్తి న పుష్టం పశు మన్యతే |
శూద్రా యదర్యజారా న పోషాయ ధనాయతి ||

  
యద్ధరిణో యవమత్తి న పుష్టం బహు మన్యతే |
శూద్రో యదర్యాయై జారో న పోషమను మన్యతే ||

  
దధిక్రావ్ణో అకారిషం జిష్ణోరశ్వస్య వాజినః |
సురభి నో ముఖా కరత్ప్ర ణ ఆయూఁషి తారిషత్ ||

  
గాయత్రీ త్రిష్టుబ్జగత్యనుష్టుప్పఙ్క్త్యా సహ |
బృహత్యుష్ణిహా కకుప్సూచీభిః శమ్యన్తు త్వా ||

  
ద్విపదా యాశ్చతుష్పదాస్త్రిపదా యాశ్చ షట్పదాః |
విచ్ఛన్దా యాశ్చ సచ్ఛన్దాః సూచీభిః శమ్యన్తు త్వా ||

  
మహానామ్న్యో రేవత్యో విశ్వా ఆశాః ప్రభూవరీః |
మైఘీర్విద్యుతో వాచః సూచీభిః శమ్యన్తు త్వా ||

  
నార్యస్తే పత్న్యో లోమ వి చిన్వన్తు మనీషయా |
దేవానాం పత్న్యో దిశః సూచీభిః శమ్యన్తు త్వా ||

  
రజతా హరిణీః సీసా యుజో యుజ్యన్తే కర్మభిః |
అశ్వస్య వాజినస్త్వచి సిమాః శమ్యన్తు శమ్యన్తీః ||

  
కువిదఙ్గ యవమన్తో వయం చిద్యథా దాన్త్యనుపూర్వం వియూయ |
ఇహేహైషాం కృణుహి భోజనాని యే బర్హిషో నమఉక్తిం యజన్తి ||

  
కస్త్వా ఛ్యతి కస్త్వా వి శాస్తి కస్తే గాత్రాణి శమ్యతి |
క ఉ తే శమితా కవిః ||

  
ఋతవస్త్వా ఋతుథా పర్వ శమితారో వి శాసతు |
సంవత్సరస్య తేజసా శమీభిః శమ్యన్తు త్వా ||

  
అర్ధమాసాః పరూఁషి తే మాసా ఆ ఛ్యన్తు శమ్యన్తః |
అహోరాత్రాణి మరుతో విలిష్టఁ సూదయన్తు తే ||

  
దైవ్యా అధ్వర్యవస్త్వా ఛ్యన్తు వి చ ఆసతు |
గాత్రాణి పర్వశస్తే సిమాః కృణ్వన్తు శమ్యన్తీః ||

  
ద్యౌస్తే పృథివ్యన్తరిక్షం వాయుశ్ఛిద్రం పృణాతు తే |
సూయస్తే నక్షత్రైః సహ లోకం కృణోతు సాధుయా ||

  
శం తే పరేభ్యో గాత్రేభ్యః శమస్త్వవరేభ్యః |
శమస్థభ్యో మజ్జభ్యః శమ్వస్తు తన్వై తవ ||

  
కః స్విదేకాకీ చరతి క ఉ స్విజ్జాయతే పునః |
కిఁ స్విద్ధిమస్య భేషజం కిమ్వావపనం మహత్ ||

  
సూర్య ఏకాకీ చరతి చన్ద్రమా జాయతే పునః |
అగ్నిర్ధిమస్య భేషజం భూమిరావపనం మహత్ ||

  
కిఁ స్విత్సూర్యసమం జ్యోతిః కిఁ సముద్రసమఁ సరః |
కిఁ స్విత్పృథివ్యై వర్షీయః కస్య మాత్రా న విద్యతే ||

  
బ్రహ్మ సూర్యసమం జ్యోతిర్ద్యౌః సముద్రసమఁ సరః |
ఇన్ద్రః పృథివ్యై వర్షీయాన్గోస్తు మాత్రా న విద్యతే ||

  
పృచ్ఛామి త్వా చితయే దేవసఖ యది త్వమత్ర మనసా జగన్థ |
యేషు విష్ణుస్త్రిషు పదేష్వేష్టస్తేషు విశ్వం భువనమా వివేశాఁ ||

  
అపి తేషు త్రిషు పదేష్వస్మి యేషు విశ్వం భువనమావివేశ |
సద్యః పర్యేమి పృథివీముత ద్యామేకేనాఙ్గేన దివో అస్య పృష్ఠమ్ ||

  
కేష్వన్తః పురుష ఆ వివేశ కాన్యన్తః పురుషే అర్పితాని |
ఏతద్బ్రహ్మన్నుపవల్హామసి త్వా కిఁ స్విన్నః ప్రతి వోచాస్యత్ర ||

  
పఞ్చస్వన్తః పురుష ఆ వివేశ తాన్యన్తః పురుషే అర్పితాని |
ఏతత్త్వాత్ర ప్రతిమన్వానో అస్మి న మాయయా భవస్యుత్తరో మత్ ||

  
కా స్విదాసీత్పూర్వచిత్తిః కిఁ స్విదాసీద్బృహద్వయః |
కా స్విదాసీత్పిలిప్పిలా కా స్విదాసీత్పిశఙ్గిలా ||

  
ద్యౌరాసీత్పూర్వచిత్తిః అశ్వ ఆసీద్బృహద్వయః |
అవిరాసీత్పిలిప్పిలా రాత్రిరాసీత్పిశఙ్గిలా ||

  
క ఈమరే పిశంగిలా క ఈం కురుపిశంగిలా |
క ఈమాస్కన్దమర్షతి క ఈం పన్థాం వి సర్పతి ||

  
అజారే పిశంగిలా శ్వావిత్కురుపిశంగిలా |
శశ ఆస్కన్దమర్షత్యహిః పన్థాం వి సర్పతి ||

  
కత్యస్య విష్ఠాః కత్యక్షరాణి కతి హోమాసః కతిధా సమిద్ధః |
యజ్ఞస్య త్వా విదథా పృచ్ఛమత్ర కతి హోతార ఋతుశో యజన్తి ||

  
షడస్య విష్ఠాః శతమక్షరాణ్యశీతిర్హోమాః సమిధో హ తిస్రః |
యజ్ఞస్య తే విదథా ప్ర బ్రవీమి సప్త హోతార ఋతుశో యజన్తి ||

  
కో అస్య వేద భువనస్య నాభిం కో ద్యావాపృథివీ అన్తరిక్షమ్ |
కః సూర్యస్య వేద బృహతో జనిత్రం కో వేద చన్ద్రమసం యతోజాః ||

  
వేదాహమస్య భువనస్య నాభిం వేద ద్యావాపృథివీ అన్తరిక్షమ్ |
వేద సూర్యస్య బృహతో జనిత్రం అథో వేద చన్ద్రమసం యతోజాః ||

  
పృచ్ఛామి త్వా పరమన్తం పృథివ్యాః పృచ్ఛామి యత్ర భువనస్య
నాభిః |
పృచ్ఛామి త్వా వృష్ణో అశ్వస్య రేతః పృచ్ఛామి వాచః పరమం
వ్యోమ ||

  
ఇయం వేదిః పరో అన్తః పృథివ్యా అయం యజ్ఞో యత్ర భువనస్య నాభిః |
అయఁ సోమో వృష్ణో అశ్వస్య రేతః బ్రహ్మాయం వాచః పరమం వ్యోమ ||

  
సుభూః స్వయమ్భూః ప్రథమో న్తర్మహత్యర్ణవే |
దధే హ గర్భమృత్వియం యతో జాతః ప్రజాపతిః ||

  
హోతా యక్షత్ప్రజాపతిఁ సోమస్య మహిమ్నః |
జుషతాం పిబతు సోమఁ హోతర్యజ ||

  
ప్రజాపతే న త్వదేతాన్యన్యో విశ్వా రూపాణి పరి తా బభూవ |
యత్కామాస్తే జుహుమస్తన్నో అస్తు ||


శుక్ల యజుర్వేదము