శశికళ/వర ప్రదానము
వర ప్రదానము
దివ్యభూలకెటకొ తేల్చుకొనిపోతివే !
దీనజీవినినన్ను దివ్యుణ్ణిచేసితే !
దేహమే శల్యమై
దినదినము కృశియించి
నీవుదర్శనమీని నిముసమొకయుగముగా
తోవ తెలియని అంధజీవినై కుందితిని
దివ్యభూముల కెటకొ తేల్చుకొని పోతివే !
దీనజీవిని నన్ను దివ్యుణ్ణిచేసితే !
నీకె గురువును నేను
శ్రీకమల పరిమళా
దేశికుడ ప్రియుడనై ఆశించి భాషించి
దీక్షలో శిల్పవిన్యాస పులకితుడనై
దేవి నీరాకకై తీవ్ర వేదనపడితి !
ఏ ముహూర్తపు బలిమొ
ఏ పూర్వ పుణ్యమో
అమృత వాహినిరీతి అవతరించితివీవు
ఆనందరూపవై అధివసిస్తివి మ్రోల
దివ్యభూముల కెటకొ తేల్చుకొని పోతివే !
దీనజీవిని నన్ను దివ్యుణ్ణిచేసితే !
హృదయాన మోముంచి ఒదిగితిని ఒడిలోన
కదియించి కౌగిటను నుదిటపై చుంబించి
"ఓప్రభూ నీవిద్య
నా ప్రణయ" మన్నావు
సౌరభావృత హస్త
సంస్పర్శ ఓషధై
నూత్న శక్తినిపొంది నూత్న జీవమునంది
యత్న కార్యోన్ముఖుడనై నిలిచితేరాణి!
దివ్యభూముల కెటకొ తేల్చుకొనిపోతివే !
దీనజీవిని నన్ను దివ్యుణ్ణిచేసితే !