శశికళ/ఈనిశిని
< శశికళ
ఈనిశిని
బ్రతుకంతా నిరీక్షణము
మతి అంతయు వీక్షణమై
ఈ నిశిలో గాటపుతమి
నేను వేచియుంటి నొంట
ఈనిశి ఒక సుముహూర్తము
గానము ఈ నిశ్ఛలతయె
ఈ కుటీర ప్రాంగణమున
చీకటి చెలిగా నిలచితి
ఈ నిశిలో రొదలు లేవు
ఈ నిశిలో సొదలు రావు
వేచియుంటి ఎవరికొరకొ
కాచియుంటి ఏ ఘటనకొ
ఈ నిశిలో నడికి రేయి
ఎవరో నాతోట తొచ్చి
పూ మొగ్గల విరియచేసి
ముంగిలో అడుగులిడిరి
తూరుపు మల నెలతోచెను
తొగ కన్నెలు వగలూరిరి.