వెలుగులే లింగమై వెలుగు దేవా

వికీసోర్స్ నుండి

శ్రీ గణపతి సచ్చిదానంద స్వామీజీ తెలుగు కీర్తనలు


పల్లవి 
వెలుగులే లింగమై వెలుగు దేవా వెలుగువై గుండెలో వెలుగ రావా

తరచి చూడ జ్ఞానమే వెలుగు సుమ్ము
వెలుగులేమొ కిరణమై తాము ప్రమ్ము
కిరణమేమొ స్తంభమై హొయలు చిమ్ము
శివుని లింగ మరయగా నిదియె సుమ్ము

సర్వతోముఖమ్ము గాదె కిరణలింగము
తత్త్వమరయ పంచముఖములై వెలుంగును
ధారయైన జలము గూడ స్తంభరూపమై
ప్రియము గూర్చు శివునకు తగిన రూపమై

వెలుగులే కాలమై పదియు రెండునై
సూర్యులై నదులునై విస్తరిల్లగా
ద్వాదశ జ్యోతులై శివుని లింగము
సచ్చిదానందముల్ పంచి యిచ్చుగా

ప్రమ్ము = చుట్టూతా కమ్ము