ముద్దు ముద్దుగ

by దాసు శ్రీరాములు

అఠాణ రాగం - చాపు తాళం

పల్లవి:

ముద్దు ముద్దుగ పిలవనా నాసామిని
ముద్దు ముద్దుగ పిలవనా నా సామిని ||

అనుపల్లవి:

ముద్దు ముద్దుగ పిలవ చులక సేయునేమో
ముద్దు ముద్దుగ పిలవ బాగని తోచెనే ||

చరణం 1:

పాటలు పాడుదునా మంచి ఆటలు ఆడుదునా
వాటమైన గుబ్బ పోటు జూపింతునా తేట
చెక్కిలి కొన గోట మీటుదునా ||

చరణం 2:

ఆకుమడుపు లిత్తునా మంచి తావి
అత్తరు పై బూతునా
తేకువతో జడ త్రిప్పి కొట్టుదునా
మోక మావి తలిరు మోవి గరతునా ||

చరణం 3:

కోపగించకు మందునా యేర వేణు
గోపాల రమ్మందునా
శ్రీ పుర్ణుడగు దాసు శ్రీరాము మనమున
ప్రాపై నివసించి పాలించమందునా ||