మణి మాలికలు/మణిమాలిక... ముందుమాట

వికీసోర్స్ నుండి
Jump to navigation Jump to search

మణిమాలిక... ముందుమాట

సృష్టికి మూలం ప్రణవనాదామని శృతుల నుడి !


ఓంకార నాదం నుండి పుట్టినవే సకల ప్రపంచ భాషలూ యాసలూ... అరుదైన అజంత భాషలో ఒకటైన తెనుగు భాష అతి మధురమైనది... అనేక మంది పరభాషీయులు ఒప్పుకున్నారు... తెనుగున యాసలు మాండలీకాలు జానపదాల ప్రభావం మెండు... అయినప్పటికీ సంసృత పద భూయిష్టమైన తెనుగుభాష... ప్రామాణికంగా చెలామణీ అవుతోంది, దీనినే శిష్టభాష పండిత భాష అని కూడ అనవచ్చేమో... కాలక్రమేణా అనేక సాహితీ ప్రక్రియ లు మన తెనుగున వెలివ్లి విరిసాయి... పురాణాలు, ఇతిహాసాలు, కావ్యాలు, ప్రబంధాలు, నాటకాలు, నవలలు మొదలగునవి. ముఖపుస్తకావిష్కరణముతో అన్నిరంగాలలోనూ సంపర్కత, సమాచార ప్రసరణ మరింత వేగవంతమైంది. నేటి ముఖపుస్తక సాహితీ ప్రక్రియల్లో నన్ను అమితంగా ఆకట్టుకున్నది ఈ మణిమాలిక.

అలతి పదాలతో అనంతార్ధమును ఆవిష్కరించే సాహితీ సాధన. ఈమణిమాలిక. అడ్మిన్స్‌ శ్రీ ప్రసాద్‌ అట్లూరి గారు, శ్రీమతి పద్మాశ్రీరాం గారు నన్నుముందు మాట వ్రాయమన్నప్పుడు నాకు బెరుకు కలిగింది సుమా! నాకున్న పరిమిత తెనుగు సాహితీ పరిజ్ఞానంతో నేను నిజమైన నిక్కచ్చైన విశ్లేషణ ఇవ్వగలనా అని... కానీ వారి మాట కాదనలేక ముందుమాట వ్రాయుటకు సాహసిస్తున్నాను..

ఈ మణిమాలిక ముందుమాటకై వారు పంపిన అందరు రచయితల, రచయిత్రుల కవితా లతికలను ఎన్నాళ్ళనుంచో చదువుతున్నాను. ఇప్పుడు మరలా చదివాను. తెనుగున ఇంతవరకూ ఏ సాహితీ ప్రక్రియకు తీసిపోని అద్భుత ప్రయోగం ఈ మణిమాలిక. ఎవరి మస్తిష్కంలో తొలుతగా ఈ ప్రయోగానికి బీజం పడిందో కానీ నిజంగా వారెంతో అభినందనీయులు...

ప్రతిమనిషి తన దైనందిన జీవితంలో ఎదుర్కొనే వివిధ సమస్యలు,
కష్టసుఖాలు, వేదాంత చింతనలు, శాన్యవాదాలు, మిధ్యావాదానలు, వాద... ప్రతివాదాలు, ప్రేమలు, ఆపేక్షలు, మమతానురాగాలు, విరహాలు ఇలా ఎన్నో... మరెన్నో... అన్ని భావాలు కేవలం రెండే రెండు వాక్యాల్లో తెలుపటం త్రుటిలో చదువరులను తమ భావ పరంపరతో కన్నీరు పెట్టించడం , నవ్వించడం , నిరాశావాదం నుండి ఆశావాదానికి మళ్ళించి కార్యోన్ముఖులను చేయటం సాధారణ విషయం కాదు! అదే ఈ మణిమాలికల గొప్పతనం! క్లుప్తత...భావసాంద్రత...తద్వారా

15

ఆశయసాధాన సకారాత్మక దిశలో!

అందుకే నా హృదాయాన్ని ఈ మణిమాలికలు అంతగా చూరగొన్నాయి!
ఈ మణిమాలికలను సాటి మానవుల, చదువరుల కష్టాలను ఆనంద డోలికలు గాను, కరదీపికలుగాను మార్చి నీలో మంచిని అలాగే ఉంచుకో... రోజుకొక మంచి చొప్పున ఇంకా నీలో పెంచుకో అన్న చందాన సాగిస్తూ కవితా వ్యవసాయం చేస్తున్న అనేకమంది నా సోదర సోదరీమణులు వెలయిస్తున్న మణిమాలికా కవితల విలువ
ఇంత అని చెప్పగలమా?

ఓ ఇరవై సంవత్సరాల లోపు కుర్రాడి మాలిక చదివాను...ఇతనిలో ఇంత
మానసిక పరిపక్వతా? అని ఆశ్చర్యపోయాను! మరో మధ్య వయస్కుని మాలిక చదివాను కళ్ళల్లో నీళ్ళు చిప్పిల్లాయి... అమ్మ గురించిన మధురానుభూతితో..! మరో సోదారి మాలిక చదివాను ప్రతిరోజు ఆ మాలికను మెడను ధరించకుండ మెదడున స్మరించకుండ ఉండలేక పోతున్నాను..

అనేకమంది సోదరీమణులు కూడ మణిమాలికలల్లడం కడు శ్లాఘనీయం! యత్రానార్యస్తు పూజ్యంతే నిజం చెప్పొద్దు నేను స్త్రీ పక్షపాతిని! ఏ ప్రతిభ నాలోవుండి
ఈ ముందుమాట వ్రాస్తున్నానో నాకు తెలియదు కానీ... ప్రతి మణిమాలిక ఓ గతకాల గమనిక, ఓ వర్తమాన ప్రచలగీతిక! ఓ భవిష్యకాల అభ్యుదయవేదిక అని ప్రగాఢంగా విశ్వసిస్తూ...

భవదీయుడు

సాహితి
సినీ గీత రచయిత

16