బసవరాజు అప్పారావు గీతములు/ఆశాబంధములు
ఆశాబంధములు
తిరిగితి నెన్నో దేశముల బడి
దొరకునొ చక్కని నెల వంచున్
రాగము లెన్నో హాయిగ బాడితి
రక్తి దేన గల్గునొ యంచున్
యెక్కితి నెన్నో పర్వతమ్ములన్
చుక్కల బట్టుదునొ యంచున్
వేవిధమ్ములౌ ప్రేమల సోలితి
ప్రేమగుట్టు గాంతునొ యంచున్
ఇచ్చితి నెందరికో హృదయపుధన
మీవిపండు పండునొ యంచున్
ఎన్నోపూవుల పూజల సల్పితి
నీశ్వరుకృప గల్గునొ యంచున్