ఈ పుట ఆమోదించబడ్డది
24
స్మృతికాలపుస్త్రీలు
మూడు ఋతుకాలములు వేచియుండి యప్పటికిని తండ్రి దానముచేయనిచో తానే స్వయముగ మఱొకనిని వివాహమాడవలెనని గౌతముడు చెప్పుచున్నాడు.
త్రీన్కుమార్యృతూనత్యత్యస్వ యంయుజ్యే
తానిందితేనోత్సృజ్యపిత్య్రానలంకారాన్
- (గౌ.4-70)
(అవివాహిత మూడు ఋతుకాలములు వేచియుండి తండ్రిపెట్టిన యలంకారములు నాతనికిచ్చివైచి తానే యనిందితుడగు వరుని సంపాదించి వివాహమాడవలెను.)
ఇచటి మూడు ఋతుకాలములకు బదులుగ వసిష్ఠ స్మృతిలో మూడు సంవత్సరములు చెప్పబడినది.
కుమార్యృతుమతీత్రీణి వర్షాణ్యుపాసీత
త్రిభ్యోవర్షేభ్య: పతింవిదేత్తుల్యం
- (వసి 6-67)
(ఋతుమతియైన యవివాహిత మూడు సంవత్సరములు వేచియుండి తగిన భర్తను పెండ్లాడవలెను.)
సకాలములో దానము చేయువాడు లేనిచో కన్య స్వయముగనే పెండ్లిచేసికొనవలెనని యాజ్ఞవల్క్యుడుకూడ చెప్పుచున్నాడు.
గమ్యంత్వభావే దాతౄణాం కన్యాకుర్యాత్స్వయంవరం.
- (యాజ్ఞ 1-65)