ఈ పుట ఆమోదించబడ్డది
నలపర్ని:- సదాపుష్పించుచునే యుండును. ఆకుల యడుగున మెత్తని రోమములు గలవు. కొన్నిటి పువ్వులు ఎర్రగాను, కొన్ని తెల్లగాను వుండును.
నల్లసారకాడ:- కొమ్మలు పది అడుగుల వరకు వ్యాపించును. అడుగాకులు లఘుపత్రములు. చివర నున్నవి రెండు కలిసి యుండును.
నల్ల పాలేరు:- నేల మీద ప్రాకును. ఆకులు లఘు పత్రములు. పువ్వులు ఎరుపు. కాయలు చంద్ర వంక వలె వంగివుండును.
శాయిలికంప:- చిన్నగుబురు మొక్క. మూడేసి చిట్టి ఆకులు కలిసి యుండును. కొన్ని పుప్పొడి తిత్తులు వెడల్పు, కొన్ని సన్నము.
గలుగ:- తీగె కొండమీద నుండును. ఆకులు పక్ష వైఖరి.
జయంతి:- గుబురు చెట్టు. పువ్వులు ఊదారంగు. ఆకులపై పసుపు చుక్కలు గలవు. పువ్వులు పెద్దవి.
దూలగొండ యెక్క పుష్పకోశము సమముగాదు. ఆకులపై రోమములు గలవు.
