ఈ పుట అచ్చుదిద్దబడ్డది
జన్మభూమి - ధన్యభూమి
ధన్యభూమి!! జన్మభూమి!!
మంజుల జని! మహితావని!!
నగరాజుల విన్నాణపు
నయగారమ్ముల నెల విది
అమరనదీ హసనములకు
దివ్య కొమరు మిగులు కొలువియ్యది ...ధన్యభూమి జన్మభూమి
ప్రీతి మెరయ వన సుందరి
పెంచుకొన్న ఉపవన మిది
ఖనిజరత్న నిచయమ్ముల
ఘనకాంతుల గని యియ్యది...ధన్యభూమి జన్మభూమి
సాధుజంతుతతి వలచిన
సస్యహ రిత చేలాంచల
నిఖిల దేవతా మోహన
నిర్మలరుచి నేత్రాంచల...ధన్యభూమి జన్మభూమి
ధన్యభూమి, జన్మభూమి!!
మంజుల జని! మహితావని!!
ప్రీతి యెసగ వనదేవత
పెంచుకొన్న యుపవన మిది
ఖనిజరత్న నిచయమ్ముల
ఘనకాంతుల గని యియ్యది...ధన్యభూమి జన్మభూమి
ఆకాశవాణి, విజయవాడ, 1-2-65
________________________________________________________________________________________
గేయ కవితలు'’’
445
