ఈ పుట ఆమోదించబడ్డది
24
వాసిష్ఠరామాయణము
నెందాక యజ్ఞాన - మిరవుగా నుండు
నందాఁకఁ గర్మంబు - లంటుచునుండు,
నెందాఁకఁ గర్మంబు - లెనయుచునుండు
నందాకఁ బుట్టుచు - నణఁగుచునుండు,
నెందాఁకఁ జన్మంబు - లెత్తుచునుండు
నందాఁక దుఃఖమ - గ్నాత్ముఁడై యుండుఁ;
గావునఁ దద్దుఃఖ - కంధి దాఁటుటకు
నావయై యుండు - జ్ఞానస్వరూపంబు,
ఇటువంటి జ్ఞానంబు - నెఱిఁగెడికొఱకుఁ
విటుభక్తి దీపింపఁ - బరమదేశికుని480
సేవించి గురుశాస్త్ర - సిద్ధాంత మెఱిఁగి,
జీవుండు మోక్షంబు - జెంది సుఖించు
నారీతిఁ గర్మమం - దంటక నీవు
సౌరవిజ్ఞానల - క్ష్యము నొందు రామ!
తుదలేని సంసార - దుఃఖంబు లణఁచి.
సదమలబుద్ధి వి - శ్రాంతిఁ బొందించి,
సంతోషకరమగు - సంపూర్ణతత్త్య
మంతఃకరుణచేత - నబ్జసంభవుఁడు
నా కుపదేశించి - నాఁ డా క్రమంబు
నీకుఁ జెప్పెద నన్న - నెమ్మది నొంది,490
యా వసిష్ఠునిఁ జూచి - యంజలిఁ జేసి
పావనాత్ముఁడు రామ - భద్రుఁ డిట్లనియె:
