ఈ పుట ఆమోదించబడ్డది
ఆదిప్రకరణము
17
విషయముల్ తమ తమ-వృత్తుల తోడ
విషమగతుల మించి-వేధింపసాగె;
దానిచే హృదయంబు-దందహ్యమాన
మైనది, దానిఁ జ-లాలార్చి, మీ రెఱిఁగి330
యున్న సుజ్ఞానంబు-నుపదేశమిచ్చి
నన్ను రక్షింపకు-న్నను భుక్తి విడిచి
పూని నే మీపదాం-బుజముల చెంత
మేనుఁ దొఱఁగువాఁడ-మీయాన' యనుచు
ఫాల మామౌనీంద్రు-పదముల మీఁదఁ
జాల హత్తించి, బా-ష్పంబులు కనుల
వెడలుచు నుండఁగా,-వేడి నిట్టూర్పు
విడువఁగా నమ్ముని-వేదనఁ బొంది,
రాముని రెండు క-రంబుల నెత్తి,
ప్రేమతోఁ గూర్చుండ-బెట్టి లాలించి,340
శిరమును చుబుకంబు-చెక్కిళ్లు నిమిరి,
పరమార్ద్ర హృదయుఁడై-పలికెనిట్లనుచు:
★ విశ్వామిత్రుని ధైర్యవచనములు ★
'నాయన్న! రఘురామ!-ననుఁ గన్నతండ్రి!
నీయాత్మ కడతేఱు-నెళవు ముందుగను
నీయంతనే నీవు-నిశ్చయించితివి,
మాయా ప్రపంచ మ-ర్మంబు లన్నియును
దెలిసితి, విఁక నుప-దేశంబు సేయ
వలసినదేమి? స-ర్వము నెఱుంగుదువు:
