ఈ పుట ఆమోదించబడ్డది
పంచమప్రకరణము
337
గ్రమమొప్ప భేదవా-క్యముల ఖండించి
యమలమై యద్వయం-బైన బ్రహ్మమును
ఘనులకుఁ గనుసంజ్ఞ - గాఁ జూపుచుండు;
ఘనతకెక్కు హిరణ్య - గర్భంబు లింగ1010
తనువులు రెండు సి-ధ్ధముగ లేకున్నఁ
బెనుపు నొందు నజాండ - పిండాండములును
గలుగవు, కారణ - కార్యంబులైన
యలపద్మ జాండ పిం-డాండంబులకును
సహజ మైక్యము స్థితి - స్వప్నము యొక్క
విహితావయవములై - వెలయుచున్నట్టి
సృష్టి జాగ్రత లని - చెప్పఁగా నొప్పు,
నిష్టంబుగా విష-యేంద్రియంబులను
జెలఁగి కూడిన మన - స్సే స్వప్నరూప
కలితమై దినమును - గనిపింపుచుండు,1020
వేడుకగా నదే - విషయవాసనలఁ
గూడి బాహ్యేంద్రియ - గోళకంబులను.
వెలసి నిలిచిన బాహ్య - విషయకృత్యముల
సలువునదే యగు -జాగ్రదవస్థ,
గాన నా స్వప్నంబు - కారణం బగును,
దాని కార్యం బనఁ - దగును జాగ్రత్త,
యలరు నందున రెంటి - కైక్యమౌ మఱియు
వెలయఁ దైజసుఁడగు - విష్ణునంశంబు