ఈ పుట ఆమోదించబడ్డది
శ్రీరస్తు
వాసిష్ఠరామాయణము
ఆదిప్రకరణము
ఇష్టదేవతా, గురువందనము
శ్రీవిఘ్ననాథుని - క్షేత్రపాలకుని,
శ్రీవాణినిన్, విరిం-చిని, హయాననుని,
నలఘు దుర్గను, చౌడ-మాంబను, శివుని,
నల వరాహస్వామి - నాత్మయం దుంచి,
భక్తిచే నెపుడు సు-బ్రహ్మణ్య గురుని
ముక్తి ప్రదుని పాద-ముల నాశ్రయించి,
మురిసి నవగ్రహ-మ్ములకుఁ గేల్మొగిచి,
రచనోద్దేశము
ధరణిమీఁద మదాత్మ - తరియించుకొఱకు
సామోదమతిని సు-జ్ఞానవాసిష్ఠ
రామాయణార్థసా-రమును గ్రహించి,10
వరుసగా ద్విపద కా-వ్యముగా రచించి
యఱలేక మీకు స-మర్చింతు నిపుడు,
శ్రీ తారకోల్లాస! - శ్రీశ్రీనివాస!
శ్రీ తరిగొండ నృ-సింహ! ధూతాంహ!
విన్నవించెద నేను - వినుఁ డదె ట్లనిన
