పంచమప్రకరణము
307
నున్నయాత్మను గాన - కురుచింత నొంది,
విన్ననై యెచటనో - వెదకు మూడుండు:
తానె దేహం బని - తనువున కొక్క
హాని వచ్చినఁ దానె - యణఁగుదు నంచుఁ
దలఁకు చుండునుగాని,- తా నాత్మ ననెడి
తెలివి నొందఁగ లేడు - దేహాభిమాని;310
ఇట్టి మూఢాత్ముల-నేకులు ధరను
బుట్టుచుందురు ముక్తిఁ - బొందనేరకను,
అరయ నబ్ధులు బుగ్గ-లైన చందమున
సరవి నెప్పుడు చిత్త - సంకల్ప మహిమ
వలన నీ సృష్టి స-ర్వము నగుచుండుఁ,
దలఁపునఁ గదలి క-దలకుండు నాత్మ
సంకల్ప మది రాజ్య-సౌఖ్య మంతటను
పొంకమై యనుభవిం-పుచునుండు నెపుడు,
అరయఁ జిత్తము మాయ - యనుదానిచేత
నిరవంది సర్వమో-హిని యగుఁగాన320
ఘనతరంబుగ సర్వ - గతమగు నాత్మ
యెన లేని తన్నుఁదా - నెఱుఁగంగ లేదు,
అగణితంబగు సచ్చి - దాకాశమయము
జగ మని భావించు - శాంతవర్తనుఁడు
క్రమముగా సద్భ్రహ్మ - కవచుఁడై, సతత
మమితసుఖం బొంది, - యహమిక లేక
నంతయు చిద్భ్రహ్మ - మని సతతంబు
చింతించు పరయోగి - చిత్పద మొందుఁ;