ఈ పుట ఆమోదించబడ్డది
290
వాసిష్ఠరామాయణము
జూడాల మదిలోను - చోద్యమందుచును
బోఁడిఁమిఁ బతియందు - భోగేచ్ఛలేని
చందంబు భావించి - సంప్రీతి మెఱయ
నందుండి, కొన్ని నా-ళ్లరిగిన మీఁదఁ
గ్రమముగా నతని రా-గద్వేషయుగము
నమరఁ బరీక్షింతు - నని నిశ్చయించి 2070
యారూఢ యోగమా-యా ప్రభావమున
జారపురుషుని ము-చ్చటగా సృజించి
పగలు రాతిరిగాని - బలుసంధ్యవేళ
సొగసు లుప్పతిలంగ - జూతవృక్షంబు
క్రింద జారుఁడు తాను - గ్రీడింపుచున్న
సందడి నృపతి కా-శ్చర్యంబుగాను
వినిపింపఁజేసె, న-వ్విధము భావించి
మనమున హర్షించి - మచ్చికన్ వీర
లొనరంగఁ గ్రీడింపు - చుందురుగాక
యని సైగగా లేచి, " యందుండి యవల 2080
జనుచున్న యారాజ-చంద్రునిఁ, జూచి
తన మదిలో నిట్లు - తలఁచెఁ జూడాల
‘రాగరోషంబు లీ-రాజును విడిచె,
భోగేచ్ఛతోడనే - పోయె, నీ రీతి
సర్వసన్న్యాసియై - శాంతుఁడై పరమ
నిర్వాణపదమందు - నిల్చినా డహహ!