ఈ పుట ఆమోదించబడ్డది
తృతీయ ప్రకరణము
199
జెలఁగి యిమ్మూఁ డభ్య - సించు ధన్యునకుఁ
గల వాసనామనో - గ్రంథు లణంగుఁ,
దనువు నిత్యం బని-దలఁచుచుండుటను
దనయందుఁ గల పర - తత్త్వభావనను
ననిశంబు నిస్సంగుఁ - డగుచు నుండుటను
జనియించు వాసనల్ - సమయుఁ, జిత్తంబు
శాంతిఁ బొంది యణంగు, - సకలార్థములకు
నంత:కరణమునం-దంటి యున్నట్టి 1700
సంగంబు హేతువు - సకలార్థములకు,
సంగంబు నిలయంబు - సంస్కృతి కెల్ల,
సంగంబు మూల మా-శాలతావళికి,
సంగమే యాపద్ద-శల కెల్ల నెలవు,
సంగవర్జనము మో-క్షము, సంగవిరతి
మంగళ ప్రదము, జ-న్మవినాశకరము.
కలిమిలేములను, సు-ఖము దుఃఖములను
గలుగఁ జేయుచునుండుఁ గలుషమైనట్టి
వాసన యనునది . వసుధాతలేంద్ర!
వాసిగా నిలను జీవ-న్ముక్తులైన 1710
జనులందు హర్ష వి-షాదవిరహిత
యనఁగ నొప్పుచును జ-న్మాంకురహారి
యగు శుద్ధవాసన - యమలమై నిలిచి,
యగణిత మోక్ష సౌ-ఖ్యంబు నొందించు.