150
వాసిష్ఠరామాయణము
అనుచుఁ దలంచి ని-జాశ్రమంబునకుఁ
జని, గాధి చింతించు - సమయంబునందుఁ
బురిని వింతగ గీర - పురి నుండి యొక్క
ధరణీసుతుఁడు గాధి - దగ్గఱఁ జేరె
ఆ విప్రవరుఁ జూచి - యా గాధి పూజఁ
గావించెఁ నటుమీఁద క్రమముగాఁ గీర
పురవాసు లందఱుఁ - బొలిసినవిధము
వరుసగాఁ జెప్పిన - వార్తలన్నియును560
విని గాధి యది తన - వృత్తాంతముగను
మనమున భావించి - మఱునాఁడు పొయి
కరఁగుచుఁ దాఁ గలన్ - గన్నమార్గమున
సరగున హూణదేశముఁ బ్రవేశించి,
యచ్చటఁ దల్లిము - నాలు బిడ్డలును
జచ్చినచోట్లు ని-శ్చయముగాఁ జూచి,
పోయి చెచ్చెరఁ గీర - పురమందుఁ జేరి
యాయెడఁ దనకొఱ - కనలంబులోన
నాపురజనులంద ఱణఁగుట గాంచి,
తాపమొందుచును వి-ధాతచేఁతకును570
గడు వెఱఁగొంది, యక్కడినుండి కదలి,
తడయక క్రమ్మఱ - దావచ్చి యవలఁ
బెలువార పలసిన - సింగంబు రీతి
నలసి, పూర్వాశ్రమ - మందుండ కరిగి,
తక్కక యొక శైల - తటమందు నిలిచి,
యొక్కఁడౌ విష్ణుదేవునిఁ గూర్చి తపము
