ఓం
శ్రీమత్పరదేవతాయైనమ:
పాండవ జననము
---
ప్రథమాంకము.
నాంది
మ. కరమున్ స్వచ్ఛ మొకండు వేఱొకండు రక్షశ్చక్రసంహారి భీ
కర మింకొక్కఁడు శత్రువర్గమునకున్, గాండావళీశిక్షతున్
గురు వొక్కం డరికంఠలుంఠనవిధిన్ గ్రూరం బొకం డెట్టి శ్రీ
హరి పంచాయుధముల్ గడంగి జగదాహ్లాదంబుఁ గావించుతన్
(నాంద్యంతమున సూత్రధారుఁడు ప్రవేశించి)
సూత్ర- (తెర వంకఁ జూచి) ఆర్యురాలా! సభ్యులు నాటకారంభమున కెదురు చూచుచున్నట్లు కొన్ని సూచనలు నింకను దెలియవచ్చు చున్నును, ఇంకను దెరబయలుదేరనేమి?
(నటి ప్రవేశించి)
నటి- ఆర్యపుత్రా! ప్రకృతోచిత సామాగ్రీ సంపాదన పరాయణత్వమున నింతవఱకు నాలస్య మొనరించినందులకు మన్నింపుడు. కర్తవ్యమాజ్ఞాపింతురు గాక.
సూత్ర- కర్తవ్యమున కేమున్నది? అటు చూడుము.
తే. గీ. సభయె గాదిది సంద్రమో సరసిజాక్షి!
అందు మన నాటకం బను యాసపాత్ర
మిపుడు తరియింపవలెఁ గదా! యింపు గదుర
గర్ణధారివి గా నుండి కడపు మీవు.