పుట:TeluguVariJanapadaKalarupalu.djvu/298

వికీసోర్స్ నుండి
Jump to navigation Jump to search
ఈ పుట ఆమోదించబడ్డది


రెండ: ఏమైందే అమ్మ.
మొ. లోతుకు వెళ్ళి పోతున్నా పోతున్నానే అన్నారు ఆయన.
రెండ: నువ్వేమన్నావే అమ్మ.
మొ: పోయేవారు పోతూనే వున్నారు__సోదుల్లోకి స్వప్నాల్లోకి రాకండి అని చెప్పి, ఇంటికి వచ్చి చేసిన పిండి వంటలు తిని బయలుదేరి వస్తుండగా మార్గ మధ్యంలో మగ దక్షత లేకుంటే బాగుండదని ఈ ఆచారి గారి దగ్గర శిష్యరికం చేస్తూ, వీరితోనే జన్మ తరింప చేసుకోవాలని చూస్తున్నాను. (అయితే నేనూ నీతో వస్తానే గొవింద నామాలతో నిష్క్రమిస్తుంది)

ఈ విధంగా ద్వంద్వార్థాలలో గోవింద నామాలు సాగుతాయి.

శారద వేషం:

పగటి వేషధారులు ఏ గ్రామంలో పగటి వేషాలను ప్రారంభిస్తారో, అక్కడే అన్ని వేషాలనూ రోజుకొక వేషం చొప్పున ప్రదర్శించి చివరి రోజున ప్రతి ఇంటికి పారితోషికాల కోసం తిరుగుతూ, ప్రతి వారినీ పొగుడుతూ ఇలా ప్రారంభిస్తారు.

రాజాధిరాజ మహారాజ
రవికోటి చంద్ర తేజ
కళాపోషకా నటరాజ
కళారాధనయె శివ పూజ
అంగాబినయమె హరిపూజ
నన్మానమో కల్పభూజ

ఓ, శారదే, కరుణానిధో.

కళారాజ్య విస్తారం
శారదాంబ పరివారం
కృష్ణా ప్రాగ్దిశ తీరం
కూచిపూడి ఆగ్రహారం
కులమున బ్రాహ్మణవారం
కళాకేళిచే హారం
మిక్కిలి యడుగ నేరం