540 వానిమాటలు విన్నవలనైన ముదమున వీనులు ముద్రించిన విధముగాఁబోలును చ. నిచ్చళపుమోమున నెయ్యము దైలువారె బచ్చనచేఁతలు గుబ్బలపై నిండనొప్పెను అచ్చపువేడుక వేంకటాద్రీశుఁ డీరేయి నెచ్చెలికి నిచ్చినట్టినేరుపు గాఁబోలును రేకు:0114-06 కాంబోది సంపుటము: 02-084 పల్లవి: చెల్ల నెక్కికొంటివిగా జీవుఁడ యీబలుకోటా బల్లి దుఁడ నీకు నేఁడు పట్టమాయఁ గోటా చ. తొమ్మిది గవనులైన దొడ్డతోలుఁ గోటా కొమ్ముల చవుల మూల కొత్తబ్రాల కోటా వమ్ములేని మెడవంపు వంకదార కోటా పమ్మి పగవారినెల్లా పట్టుకొన్న కోటా చ. తలవాకిలి దంతపుతలుపుల కోటా తలిరుఁ జేతుల పెద్దదంతెనాల కోటా వెలియూసలనే దండువిడిసిన కోటా గులుగై యింద్రియములు కొల్ల గొన్న కోటా చ. నడచప్పరములనే నలువైన కోటా జడిసిన చెవుల మించు సవరణ కోటా పడనిపాట్లఁ బడి ఫలియించెఁ గోటా యెడమిచ్చి శ్రీవేంకటేశుఁ డేలేఁ గోటా రేకు:0110-05 సామంతంసంపుటము:02-059 పల్లవి: చెల్లఁబో తియ్యనినోరఁ జేఁదేఁటికి యీ పల్లదపుఁగోరికలపాలు సేయవలెనా చ. ఆసలకు నాదేహ మమ్ముకొంటి వింటింట దాసునిఁగా నాపాలిదైవమా నీవు పోసరించి భూమిలోనఁ బుట్టించి రక్షించి యీసులేక భంగపెట్టు టిది గొంత వలెనా చ. పామరపు టింద్రియాలబారిఁ దోసితివి నన్ను దామెనకట్టుగాఁ గట్టి తత్త్యమా నీవు దోమటి నామతిలోనఁ దోడునీడవై యుండి పామేటి సుఖములనే భ్రమయించవలెనా చ. గక్కన నింతట నన్నుఁ గరుణించితివి నేఁడు మొక్కితి శ్రీవేంకటాద్రిమూలమా నీకు దిక్కుదెసవై నాకు దేవుఁడవై యేలికవు చొక్కి నామనసింత సోదించవలెనా రేకు:0104-05 శ్రీరాగం సంపుటము:02-023 పల్లవి: చెల్లఁబో యీజీవు లిలఁ జేసిన పాప మెంతో వుల్లమున నున్న హరి వూరికే దవ్వాయ చ. కన్నచోటనే హరి కలఁడన్నవారికి విన్నచోటనే విష్ణుడు వివేకులకు వున్నతిఁ గొలువలేక వొద్దనుండఁగాఁ గొందరు మిన్నుమీఁద వెదకేరు మితిమీఱఁ జదివి చ. పట్టినదే బ్రహ్మము పరమార్థవేత్తలకు తిట్టులోనా దైవము దివ్యులకును ముట్టి చేత మొక్కలేరు ముందటనే వుండఁగాను
