535 కావఁగ నాత్మకు గతి దానేది రేకు:0261-03 గుజ్జరి సంపుటము:03-351 పల్లవి: చెప్పఁగా నెఱఁగరా చేరి వేదవ్యాసులు తప్పక చేతులెత్తి దైవ మితఁడన్నది చ. యిరవుగా నెఱఁగరా యెల్ల దేవతలలో పొరిఁ గృష్ణుఁడు అగ్రపూజ గొన్నది తిరమై తెలియరా యీ దేవుని పాదపూజ హరుని శిరసుమీఁద నమరి వుండినది చ. యింకా నెఱఁగరా యితని రామమంత్రము తెంకినుండి హరుఁ డుపదేశించేది పొంకమిదెరఁగరా భువిమీఁద శరభముమంకుదన మెల్లఁ దీర మానిపివేసినది చ. చూచియు నెఱఁగరా సారిది శ్రీవేంకటాద్రి నేచిన వరములెల్లా నియ్యఁగాను కాచే దెఱఁగరా ఘనుడితఁ డెవ్వరైనా చేచేత శరణంటేఁ జేకొనే బిరుదు రేకు: 0346-03 శంకరాభరణం సంపుటము: 04-270 పల్లవి: చెప్పఁబోతే యీ యర్ధము చిత్తము వొడఁబడదు తప్పులు వెదకకురో తత్వజ్జలాల చ. చెలఁగి మిథ్యయంటాఁ జేసేయజ్ఞాలు ఫలించునా యిల శూన్యోపాసకుల కేడ దేవుఁడు లలి మాయా శబళితులకు మోక్ష మెక్కడిది నలి నభేదవాది కానందానుభవ మేది చ. హరి శరణుచొరనియట్టివారికి దిక్కేది గురుఁడు వేరే లేఁడట కోలి వుపదేశమేది వెరసి శిఖాసూత్రాలు విడిచితే ప్రణవమేది పరగ భక్తి లేదట భవమేట్టు గడచె చ. శ్రీవేంకటేశుముద్ర ధరించక వైకుంఠమేది యీ విభుపేరు జపించకెట్టు పాపాలుత్తరించు వేవేగ దాసుఁడుగాక వెట్టికేల కరుణించు సేవించినఁగాక సర్వచింతలేల యుడుగు పె.అ.రేకు:0010-02 గుజ్జరి సంపుటము: 15-057 పల్లవి: చెప్పఁబోతేఁ బస లేదు శ్రీపతిదాసులు నన్ను తప్పక చేపట్టితేనే ధన్యుఁడ నే నైతిని చ. భ్రమసి పొరలదోలు పై వేసుకొన్నవాఁడ యెముకల యింటిలో ఇరవైనాఁడ తమితోడ మలమూత్రతిత్తులఁ బాయనివాఁడ అమర మా కులగ్రోత మడుగ నేమిటికి చ. పుట్టిన చోటడిగితే పూఁచి చెప్పరానివాఁడ ముట్టరానిచోటనే మునిఁగేవాఁడ
