(బహుత్వమున) 'తన తన' —
భీష్మపర్వము (1-175) —
క. |
తన తన శంఖంబులు త
క్కును గల దొరలెల్ల ననికిఁ గొనఁగొని పూరిం
చిన వివిధ తూర్యనాదం
బును జెలఁగె నభంబు దిశలు పూర్ణంబయ్యెన్.
| 270
|
'ఉయ్యల - ఉయ్యాల - ఉయ్యెల - ఊయేల' అని గలదు. ప్రథమాశ్వాసమందు (మొదటి) మూడువిధము లున్నవి (వ్రాసినాము).271
'ఊయల' —
తిమ్మకవిసార్వభౌముని అచ్చతెనుగు రామాయణము (అరణ్య. 59) —
సీ. |
వేల్పురాయఁడు బత్తి వెలయఁ బుత్తెంచిన
వుడుకు మ్రాన్వలి దావి పూవుటెత్తు
లీదు మేపరిసామి యిమ్ముగాఁ బనిచిన
మవ్వంపుఁ బలుదమ్మి మానికెములు
త్రాడుదాలుపు మిత్త తనమున కొసఁగిన
క్రొత్త నున్గట్టాణి ముత్తియంబు
లెద్దుతత్తడి జోదు నుద్దికాడిడిన హొం
బట్టు నాడెపు జిల్గు పుట్టములును
మఱియఁ దక్కిన కడలఱేం డ్రురక మంచి
సేయుటకుఁ బంచు నపరంజి యూయెలలును
గద్దియలు మేలుసెజ్జలు పెద్దతొడవు
లెపుడు నాయింటఁ గొదలేక యెనసియుండు.
| 272
|
'ఊయాల' అనియు నుండవచ్చును.273
'కార్ముకం బొప్పు విల్లు సింగాణి యనఁగ' అని ఆంధ్రనామసంగ్రహము. కాని 'సింగిణి, సింగిణీ విలు' అనియును గలదు.274