అందే (3–61) —
చ. |
అనఁ జనభర్త వల్కు ముదితా విదితాతను మంత్రజాలు ని
మ్మునిఁ గొనియాడ శక్యమై సముజ్జ్వలరూపకలాపయైన మీ
యనుఁగు వయస్యఁగాంచు సుకృతాతిశయం బవలీలఁ గూర్చె నీ
యనఘుఁ డితండు మాకుఁ బరమాప్తుఁడు గాక మునీంద్రమాత్రుఁడే.
| 500
|
అందే (2–91) —
చ. |
అన మునిరాజు వల్కు వనితా బనతా వినుతాభిధేయుఁడై
యొనరిన (గౌతమున్ మునికులోత్తముఁ జెప్పఁగ విందురేకదా
యనఘ తదన్వవాయ కలశాంబుధిఁ బుట్టినవాఁడ గౌతమా
ఖ్యనెసఁగువాఁడ నే (బరమ హాసరస ప్రతిభానుభావుఁడన్).
| 501
|
శ్రీనాథుని నైషధము (8-191) —
మ. |
ఇదె వీక్షింపు చకోరశాబక నిభాక్షీ దీర్ఘికాహంసి యీ
యుదకాంతఃప్రతిబింబితున్ గగనమధ్యోపస్థితున్ జంద్రుని
న్మది దర్శించి నిజాధినాథుఁ డనుచు న్వాత్సల్య మేపారఁగాఁ
జదురొప్పం బరిచుంబనం బొనరించెం జంచూపుటాగ్రంబునన్.
| 502
|
మనుచరిత్రము (1-68) —
శా. |
ఏ యే దేశములం జరించితిరి మీ రే యే గిరుల్ సూచినా
రే యే తీర్థములందుఁ గ్రుంకిడితి రే యే ద్వీపముల్ మెట్టినా
రే యే పుణ్యవనాలిఁ ద్రిమ్మరితి రే యే తోయధుల్ డాసినా
రా యా చోటులఁ గల్గు వింతలు మహాత్మా నా కెఱింగింపరే.
| 503
|
అందే (1-65) —
క. |
నావుడు ముని యిట్లను వ
త్సా విను మావంటి తైర్థికావలి కెల్లన్
మీవంటి గృహస్థుల సుఖ
జీవనమునఁగాదె తీర్థసేవయుఁ దపమున్.
| 504
|