పుట:Sukavi-Manoranjanamu.pdf/193

అందే (1–141) —

క.⁠

నరుఁ డనునయించి వెన న [1]న్నరపతి నెత్తుచును దాను ననయము వనటం బురబురఁ జొక్కెం గురుభూ వర యద్దెస తెఱఁగు రాదు వా క్రువ్వంగన్.

⁠ 175

స్వర్గారోహణపర్వము (1-31) —

సీ.⁠

ధర్మనందనుఁడు చిత్తమ్మున నుద్వేగ              మావహిల్లగ దైవ మకట యిట్లు సేసె కీడేమి సేసిరొకో వీర              లిన్నరకములకు నేగుదేర వలసిన యట్టేని వాసవాద్యమరులు              నీచులువో వీరి నే విచార మించుకయును లేక యిట్టి కష్టపుటిడు              మలఁ బెట్టి రిది ధర్మమా తెఱంగు మాలితే నీవు సజ్జన మాన్యులలఘు సత్యపరులు దయాఢ్యులు నిత్యదాన రతులు బహుదక్షిణాంచితక్రతువిధాన పాలితాత్ము లనర్హంపుపాటుపడిరి.

⁠ 176

భారతప్రయోగములు రెండు మూడు చాలవా? ఇన్నెందుకు వ్రాసినామంటే, అక్కడక్కడ భారతమందు నఖండయతి లేకుండగ నప్పకవిగారు దిద్దినారనిన్ని, ఆయన మతమునే పట్టుకొని కొందఱు కవులు అఖండయతి కూడదనుటవలననున్ను, ఇన్ని యతులుండగా రెండుమూడు దిద్దినంత మాత్రముచేత నేమి వినియోగమున్నదనిన్ని, ఈ యతులు నప్పకవిగారు చూచినారా? లేదా? ఏలాగునైనా అప్పకవిగారి పాండిత్యమహిమ స్పష్టము కాగలందులకున్నూ ఇప్పుడైనా పామరులన్నియు దిద్దుటకు శక్యముగాద నిన్నీ సుకవుల కిది విశదము కొఱకున్ను వ్రాసినాముగాని, ఒక లక్ష్యమే చాలును. 177

1. ము. ప్ర. '...నరపతి నెత్తుచును దాన నయమున్ వనటం.