సీ. |
క్రమమున వర్గవిరామములు నఖండ
విరతు లనుస్వార విశ్రమములు
సంయుక్త మెక్కటి శ్రాంతులు పోలిక
సరస విరామముల్ చక్కటి యతు
లనునాసికాహ్వయ యతు లనుస్వారసం
బంధాఖ్య తద్భవ వ్యాజములు న
భేద విశేషాఖ్య విశ్రాంతులు నభేద
వర్గాగమ యతులు బదియు నైదు
వ్యంజనాక్షరయతులు బొల్పారు చుండు
నెల్ల కవిరాజ రాజ సత్కృతుల యందు
సరస దరహాస పీఠికా పురనివాస
గోధునీకాశ నీకాశ కుక్కుటేశ!
| 24
|
సీ. |
అంత్యోష్మసంధి నిత్య వికల్పసంధి రా
గమ సంధులును విభాగములు భిన్న
ప్రభునామ ప్రాది విశ్రామంబులును చతు
ర్థీ పంచమీ నిత్యదేశ్య నిత్య
సమసన పదరూప శ్రాంతులు యుష్మద
స్మచ్ఛబ్ద ఘఞ్ విరామములు మఱియు
ఆదేశవలి ససమాసమును నఙ్ స
మాస నిత్యసమాస యతులు ప్లుత వి
రామములును కాకుస్వరశ్రాంతులు ప్లుత
యుగయతులనగ ద్వివింశతి యుర్వి నుభయ
వలులు సత్కవి కావ్యాలిఁ జెలఁగు చుండు
గోధునీకాశ నీకాశ కుక్కుటేశ!
| 25
|
అంత్యోష్మ సంధి, నిత్యసంధి, వికల్పసంధి, రాగమసంధి — అని తెలియవలయును.