పుట:Sringara-Malhana-Charitra.pdf/153

⁠

కడవలను గ్రుమ్మరించిన వడువునఁ గన్నీరు మేన వఱదై వాఱన్.

⁠

క.⁠

సూనశరవహ్నిఁ గ్రాఁగుచు మేనంతయుఁ బలుకఁబాఱి మిగులఁ గృశించెన్ నానోముఫలము లిట్టివి ప్రాణేశ్వర, నిన్ను నేచఁ బాలయితిఁగదే.

⁠

గీ.⁠

కుటిలవర్తనంపుఁగులమున జన్మించి చెడుగులకును బుద్ధి చెప్పుఁగాని పుణ్యనిధివి నిన్నుఁ బొందొందుభాగ్యంబు నాలి దైవమేల నాకు నిచ్చు?

⁠

క.⁠

వఱదం బడిపోయెడు సతి కురవియు న్నొగులుమాన్ప నోపునె తానె త్తెఱఁగున వీరలచేఁ బడి యుఱక నినుం బాసి నొగులుచుండఁగవలసెన్.

⁠

క.⁠

వ్యాళీవిషదంష్ట్రోగ్ర జ్వాలల సయిదోడు లగుచు జనియించిన దు శ్శీలల వేశ్యామాతల నేలా పుట్టించె నజుఁడు నెఱుఁగఁడు సుమ్మీ!

⁠