పుట:Sringara-Malhana-Charitra.pdf/151

క.⁠

కన్నప పుక్కిటినీటన్ గన్నప కీర్తెల్లఁ బాసెఁ గటకట, నేఁడీ కన్నియ యధరామృతమును గ్రన్ననగాఁ గవయుకతన గౌరీశునకున్.

⁠

గీ.⁠

అనిన పలుకు చెవుల నాలించి ప్రాణేశుఁ డౌట యెఱిఁగి యొయ్య నతనిఁ గదిసి యెట్టు వచ్చి తిచటి కీవేళ యనుచును ముదము భయము మదిని ముడివడంగ.

⁠

గీ.⁠

బిగియఁ గౌఁగిలించి బింబాధరము చవు లిచ్చి యిచ్చి క్రోలి యిచ్చ వగచి ప్రాణనాథ, నీకుఁ బాడియె యొక్కఁడ విట్టు లరుగుదెంచు టెఱిఁగి మఱియు.

⁠

సీ.⁠

గ్రక్కునఁ దలవరుల్ గని పట్టుకొనిరేని                    నరయ నాదోష మెవ్వరికిఁ దగులుఁ బఱతేర నచ్చటఁ బాముఁ దే లంటిన                    నాహత్య యెవ్వరి కతిశయిల్లు మీతల్లిదండ్రు లోమియుఁ బుత్రశోకాగ్నిఁ                    గన నది యెవ్వరి కొని మునుంగుఁ

⁠