పుట:Sringara-Malhana-Charitra.pdf/119

క.⁠

అర్థము తను గడియించును నర్థంబును దాఁ గడించునది యాయన కా వ్యర్థంపుముండ యూరకె యర్థమునకుఁ బొగిలిపొగిలి యసువులు తొలఁగెన్.

⁠

వ.⁠

అంత నతండును దద్వియోగవేదనం గ్రాఁగి శరీరంబు దొఱంగుటయు యమకింకరులుం బఱదెంచి వానిఁ బట్టుకొనిపోయి జమునిముందటం బెట్టిన బిట్టుమిట్టిపడి యతండును.

⁠

గీ.⁠

చిత్రగుప్తులఁ బనిచి యీచెడుగు చేసి నట్టిదోషంబు లేమేమి యనిన వారు కవిలె వీక్షించి వానిపైఁ గనలిపడుచు దేవ వినుమని చెప్పిరి తేటపడగ.

⁠

సీ.⁠

పశుహత్య లన్నను బదునేడులక్షలు                    స్త్రీహత్య లన్ననుఁ జెప్ప నరిది శిశుహత్య లనిన నెంచెదము మేమనరాదు                    బ్రహ్మహత్యలు వే లపరిమితములు నర్బుదంబులు దాటు నటు భ్రూణహత్యలు                    చౌర్యవర్తనములు సంఖ్య గడుచు

⁠