12
శ్రీ రా మా య ణ ము
హనుమంతు పై నేను - నంగదు మీఁదఁ
దన సోదరుఁడు నెక్కి - ధరణీధరారి
చోదంతి మీఁదను - సార్వభౌమంబు
మీఁదఁ గుబేరుఁడు - మించిన యట్లు 250
సేనల నడుమ వ - చ్చెదము వానరుల
నానంద మగ్నుల - మై కనుఁగొనుచు.
ఈ వేగదర్శి యు - నీ జాంబవంతుఁ
డీవలావల రాఁగ - నీ సుషేణుండు
ముందఱగాఁగ నీ - మువ్వురుఁ గాచి
యందందుఁ జను వేళ - నండ రాఁగలరు.
వెనుక గా మైందద్వి - విద నల తార
పన సాది వానర - ప్రభువులు గొలువ
రానిమ్ము సుగ్రీవు - రణభేరి మొరయఁ
గానిమ్ము పయనమై - కదలు” మీ వనిన 260
విని భానుతనయుండు - వేడుక నటులఁ
జనుఁడంచుఁ గపుల నా - జ్ఞాపించుటయును
--: శ్రీరామాదులును నంగదాదులును లంక పైకి వానర సైన్యములతోఁ గదలుట - వానర
సైన్య ప్రయాణ వర్ణనము :-
అంగదాదులు రాము - నానతి మతులఁ
బొంగుచు ఫాల్గుణ - పూర్వపక్షమున
దక్షిణముఖముగా - దండెత్తి కదలి
రక్షీణశౌర్య బా - హాదర్పములను
వానరులెల్ల న - ల్వంకల బలిసి
తేనియ లానుచు - తియ్యని పండ్లు