453
యుద్ధకాండము
నది రవి సంకాశ - మై యదివిజిత
భిదురమై యది సురా - భీప్సితంబగుచు
నది కాలకాలకూ - టాగ్రమైయది భ
యద మూర్తి యగుచు మి - న్నంతయుఁ బొదివి
యైరావతోగ్రదం - తాగ్రకిణాంక
చారుకుంకుమపంక - చర్చితంబగుచు
నీల భూమిధర - నిభమైన దనుజ
పాలకుని విశాల - భద్రవక్షంబు
భగ్గునఁ బగుల పైఁ - బడి వీపు వెడలి
నెగ్గున భూమిలో - నికి డిగబారి 10320
కొంతదూరము ధాత్రి - గోరాడి యెగసి
చెంతల దానవ - శేషంబుఁ బఱవ
నాఁక యెందును లేక - యారాముఁ జేరి
తోకచుక్కయుఁ బోలి - తూణంబుఁ జొచ్చి
కులిశంబు దారి సోఁ - కున వ్రయ్యలగుచు
నిలమీఁద వ్రాలు మ - హీధరంబనఁగ
నావిశిఖము ముట్ట - బ్రాణముల్ వోవ
రావణుఁ డవని పై - వ్రాలినఁ జూచి
-: రావణుని మరణమునకు లోకము హర్షించుట - వానరసైన్యము నానందముఁ జెందుట :-
ధిమధిమ మొర సెను - దేవదుందుభులు
ఘుమఘుమ జలనిధి - ఘోషించె పొంగి 10330
సేదలు దీర్చె ద - క్షిణ గంధవహుఁడు
పైదట్టముగ నిండెఁ - బ్రసవవర్షములు
