376
శ్రీ రా మా య ణ ము
- :లక్ష్మణ యింద్రజిత్తుల యుద్దము : -
విల్లు కేలధరించి - వీరుఁడవగుచు
భల్లంబు లేరిచి - పట్ట నాయెదుట
నిలిచినంతనె చెల్లె - నీదుపంతంబు
తొలఁగి పొమ్మటుగాక - తొడరెదవేని
కపులతో నిను లయ - కాలప్రచండ
తపనమయూఖ ప్ర - తాపాస్మదీయ
కనక పుంఖశిలీ ము - ఖప్రకాండముల
ననిలోనఁ దెగటార్చి - యమపురి కనుతు
నన్నదమ్ములు మీర - లంగముల్ మఱచి
నిన్న రాతిరి నాదు - నిశితాస్త్రములను 8560
పడిన పాటులు దలం - పక యింతలోన
మడసిపోవఁగఁ గ్రొత్త - మానిసి వైతె ?
తానొక్క కడనుండి - దాయాదివగుట
చేనిన్ను నొప్పగిం - చెను నాకుఁ దెచ్చి
యతని వెంబడివచ్చి - యడవులవెంట
హితమతి గాచుట - కిది ఫలంబయ్యె
దూదిలో నిడు నిప్పు - దునుకయ పోలి
నాదివ్యబాణ సం - తతి రవుల్కొనినఁ
గపులెల్ల నీరస - గహనంబు మాడ్కి
నిపుడె కూలుదు రెప్పు - డెవ్వరదిక్కు 8570
యెఱుఁగవో నీవు వా - రెఱుఁగరో నన్ను
యురక విభీషణుం - డుపదేశ మొసఁగఁ
దతిఁ జూచి ' విధివిహి - తంబుద్ధిరనుస
రతి' యన్నయది యథా - ర్థంబు చేసితివి
