373
యుద్ధకాండము
-: ఇంద్రజిత్తు విభీషణుల పరస్పర సంవాదము :-
"పినతండ్రివై యుండి - పెద్దవై యుండి
తన కిదితగు నిది - తగదని యెఱిఁగి
యక్కటా ! పరులకు - నవకాశమిచ్చి
రక్కసకుల మకా - రణము త్రుంచెదవు 8480
తనమీఁద తెగుదురె - తనయుండఁగానె
దనుజేంద్రుఁడును నీవు - తనకొక్కరూప
యేమందఱము గల్గి - యీతఁ డీరీతి
రాముని కడకుఁ జే - రంగ సహించె
మాతండ్రి యను నభి - మానంబు హృదియ
శాతశల్యంబుగాఁ - జాల వ్రేఁగెదను.
అట్టి యేనొక్క కీ - డైన నీయెడల
నెట్టిచోఁ జేసితి - నే నాకు నలుగ
మాకు నొంటక పోయి - మార్తునిఁ గూడి
యాకొల్వు నీకు ము - ప్పానదు గాన 8490
నేరీతిఁ బిలిపింతు - నితని నేననుచు
మారావణునకు వే - మాఱు దెల్పుదును
కడనున్నవాఁడవు - కడనుండ కిట్లు
చెడఁ జూడ నేమి చే - సితి నీకు నేను ?
ఇంటికిగాని వాఁ - డితరుల కీఁతఁ
డొంటునే యనివారు - నొచ్చ మెన్నుదురు
ద్రోహ మెవ్వరు సహిం - తురు దొరల్ కార్య
దాహంబుచే నోర్చి - తారుదు రపుడు
నీకీడు కడపట - నీకనుభవము
మాకేమి"యన్న కు - మారునిఁ జూచి 8500
