276
శ్రీ రా మా య ణ ము
వచ్చిన రాము భా - వముఁ జిన్నఁబుచ్చి
యిచ్చటి దైత్యుల - కెసమిచ్చి పాఱ"
అనునంత నవ్వాన - రాధిపు లెల్ల
వనచరావళిఁ దమ - వారలఁ గూడి
యొక్క మొత్తంబుగా - నుర్వీజములును
పెక్కు కొండలువట్టి - పెడబొబ్బలిడుచుఁ
గలెబడి యాకుంభ - కర్ణునిమీఁదఁ
బలుకొండఁ బూజించు - ప్రసవంబులట్ల
వేసిన నవియెల్ల - విదిలించికొనుచు
వీసమంతయును నొ - ప్పియుఁ గొంకులేక 6230
మరకటంబున మారి - మసలినయట్లు
చరుముక మ్రింగుచుఁ - జప్పరింపుచును
చొరఁబారి నేలవే - సుక కాలరాచి
నురుముచు రెండుక - న్నుల నిప్పులురులఁ
దెఱచిన నోరు నె - త్తిన బాహువులును
చరిమి కోఁతులఁ జంపు - చరణముల్ గలిగి
కొండవొర్లినయట్లఁ - గుంభకర్ణుండు
చెండుచు రాఁ గపి -శ్రేణి భీతిల్లి
"కొయ్యసేత యటంచుఁ - గోతులఁదేల్చి
కొయ్యసేఁతల వాలి - కొడుకు బోధించి 6240
నమ్మించి తెచ్చి యం - దఱఁ జంపె మనల
దొమ్మి కయ్యము కాలి - దుమ్ము వీనికిని
యెఱుఁగక వచ్చితి - మెల్లవానరుల
నురుమాడ కుంభక - ర్ణుండట వీడు
