132
శ్రీ రా మా య ణ ము
మామీఁదఁ గనుగొంద - మవనిజ తెఱఁగు.”
అనివాని నియమించి - యప్పుడే తాను
జనకజ చెంతకుఁ - జనియున్న యంత
-: విద్యుజిహ్వుఁడట్లనే రామశిరము నచటనుంచి వెడలుట :-
వాఁడు నట్లనె రఘు - వర్యుని శిరము
పోఁడిమి చెడకుండ - పొదువుగఁ దెచ్చి
బంటుతనంబున - పరువునవచ్చి 2920
వింటితో నటువెట్టి - వెనుకకుఁ జనినఁ
దలవాంచి యున్న సీ - తనుఁ జూచి దైత్య
కులపతి యపుడె పే -ర్కొని యిట్టులనియె.
-: రాముఁడు యుద్దములోఁ జనిపోయెననియుఁ దన్నేలుకొమ్మనియు రావణుఁడు సీతతోఁ జెప్పుట :-
" జనక నందన ! రామ - చంద్రునిమీద
మనసుంచి వడిగల - మగఁడని నమ్మి
యిన్నాళ్లు నడియాస - నెంతయు వేఁడు
కొన్నను మనసీక - గుట్టు వెట్టితివి
రాముఁడిప్పుడు సమ - రంబులో నీల్గె
నీమీఁదట విచార - మిఁకనేల నీకు
పడఁతు లెచ్చటనైన - భాగ్యహీనతను 2930
గొడుకుల విధిగతిఁూ - గోల్పోయి నటుల
రాముని నిర్భాగ్యు - రాలవై నీవు
భీమసంగరములో - బేలుపోయితివి.
