48
శ్రీ రా మా య ణ ము
బోనీక నిలిపినఁ - బువుఁబోణి వెఱచి
" వలదు రావణ ! యేను – వారిజగర్భు
కొలువున కేఁగుదుఁ - గొఱగాదు నన్ను 1080
బలిమి నిరోధించి - పై వ్రాల ” ననిన
వలరాజు గాసికో - ర్వక తమకమున
దానితోఁ గ్రీడింపఁ - దరువాత పద్మ
సూనునికడకేఁగఁ - జూచి యయ్యజుఁడు
నలిగిన పువ్వులు - నవరతిక్రీడ
నలసిన నెమ్మేన - నందంబుఁ దఱిగి
వసివాడు నగుమోము - వలపులు జల్లు
కసిగాటు కెమ్మోవి - కళలంటి పెనఁగఁ
జెదరిన మైపూత - చెలువొందు నడుము
బ్రిదిలిన చేలయు - బిగువు సన్నులను 1090
పెనఁగొన్న హారముల్ - బిట్టు నిట్టూర్పు
లును జూచి యాత్మనా - లోచన చేసి
"ఈపుంజికస్థల - యే తేరఁ దీనిఁ
బైపాటుగావీడు - పట్టునేయనుచు
నను గనుఁగొని "రావ - ణ ! భయంబులేక
తన కొల్వునకు వచ్చు - దాని రానీక
బలిమిఁ బట్టితివి పా - పమువచ్చుననక
పలువిత్త తనకు కో - పమువచ్చుననక !
ఇది మొదలెవ్వతె - నేని మనోజ
మదవికారమునను - మానంబు లేక 1100
యొడఁబాటు పరువక - యొప్పక నీవు
తొడిఁబడఁ గలసిన - తోడనే నీదు
